Llwyddo i Raddio: stori Erin
9 Tachwedd 2022
Ydych chi wastad wedi breuddwydio am fynd i’r brifysgol a chael gradd? Gwireddwch hyn yn Coleg Gwent!
Mae prifysgol yn freuddwyd i lawer ohonom, ond nid yw ennill gradd o gwmpas ein bywydau prysur wastad yn hawdd gyda ffioedd dysgu uchel, llety drud, ymrwymiadau amser a chostau teithio. Ond dyna lle daw Coleg Gwent iddi a gwneud hyn yn bosibl i chi.
Gyda chyrsiau ar lefel prifysgol ar gael ar draws amryw o feysydd pynciol, mae llawer o fanteision i astudio cwrs addysg uwch yn Coleg Gwent:
- Gallwch astudio yn agos at eich cartref ar un o bum campws lleol yn Crosskeys, Cwmbran, Glynebwy neu Frynbuga.
- Gallwch arbed amser ac arian gyda chostau teithio a llety prifysgol llai.
- Mae ein ffioedd dysgu yn is ac yn fwy fforddiadwy na’r rhan fwyaf o brifysgolion.
- Mae amryw o opsiynau cymorth ariannol a chymorthdaliadau ar gael. Gallech fod yn gymwys i gael grant hyd at £6,885 y flwyddyn!
- Rydym mewn partneriaeth ag amryw o brifysgolion blaenllaw i ddod â chyrsiau addysg uwch o safon dda at stepen eich drws, a seremoni raddio ar ddiwedd eich gradd hefyd.
- Mae ein tiwtoriaid yn arbenigwyr â phrofiad yn eu meysydd dysgu.
- Mae’r dosbarthiadau yn llai ac yn agosach na lleoliad prifysgol, felly gallwch gael y cymorth a’r gefnogaeth sydd ei hangen arnoch chi.
- Nid yw ein gofynion mynediad mor gaeth ar gyfer ein cyrsiau addysg uwch. Rydym yn edrych ar eich profiad gwaith a bywyd, yn ogystal â’ch cymwysterau blaenorol.
Felly, os ydych chi wastad wedi breuddwydio am fynd i’r brifysgol, efallai mai cwrs addysg uwch yn eich campws lleol yw’r ateb i chi. Mae gradd o fewn eich cyrraedd chi – gwnewch i hyn ddigwydd yn Coleg Gwent!
Archwiliwch ein cyrsiau Addysg Uwch
Gwireddwch eich breuddwyd
A hithau’n frwd ac wrth ei bodd yn gofalu am anifeiliaid, bu Erin yn astudio ein Gradd Sylfaen mewn Nyrsio Milfeddygol ar Gampws Brynbuga i wireddu ei breuddwyd o fod yn nyrs filfeddygol ers pan oedd hi’n blentyn. Cewch glywed am brofiad Erin o gwrs ar lefel prifysgol yn Coleg Gwent a sut yr aeth hi ati i wireddu ei breuddwyd:
“Coleg Gwent yw un o’r unig golegau lleol sy’n cynnig y Radd Sylfaen mewn Nyrsio Milfeddygol. Nid oes llawer o rai eraill yn cynnig y cwrs! Mae gwybod bod y tiwtoriaid yn nyrsys milfeddygol yn wych hefyd. Mae’n helpu gan eu bod nhw’n deall y rôl ac â phrofiad ohoni! Yn ystod fy nghwrs addysg uwch, rydw i’n wirioneddol wedi mwynhau dysgu arddulliau nyrsio a’r hyn y gallaf ei wneud a’i gyflawni. Roeddwn i wrth fy modd yn dysgu am yr wyddoniaeth y tu ôl i’r cwbl! Fy hoff ran yw anesthesia, gan ei fod yn rhan fawr o rôl y nyrs filfeddygol. Ond roeddwn i wrth fy modd efo’r cwbl i ddweud y gwir. Dyma oedd y penderfyniad iawn i mi, yn bendant.
Roeddwn i eisiau bod y nyrs filfeddygol orau y gallaf i, drwy ymestyn fy sgiliau drwy weithio mewn gwahanol bractisys a bod yn locwm. Rydw i bellach wedi dechrau fy musnes fy hun yn nyrs filfeddygol locwm, sy’n golygu fy mod i’n hunangyflogedig. Mae gen i asiant recriwtio a chyfrifydd, ac mi fyddai’n mynd o gwmpas practisys eraill ac yn gweithio pryd bynnag, a lle bynnag y mae angen. Os ydych chi eisiau astudio cwrs ar lefel prifysgol, neu fod yn nyrs filfeddygol, mae’n rhaid i chi wirioneddol fod eisiau. Nid yw’n hawdd, ond mae help wrth law!”
Dilynwch yn olion traed Erin – cyflawni gradd a LLWYDDO i gyrraedd eich nod efo Coleg Gwent.
Ymunwch â’n digwyddiad agored nesaf i edrych ar ein cyrsiau, cyfarfod â’n tiwtoriaid, trafod eich opsiynau ac edrych ar ein gwasanaethau cymorth, ac ymgeisio nawr!
