Croeso i Academi Rygbi Iau y Dreigiau
Ydych chi’n angerddol am rygbi ac yn dymuno cyfuno eich astudiaethau academaidd â’ch datblygiad rygbi? Yn Academi Rygbi Iau y Dreigiau, rydym wedi creu partneriaeth gyda’r Dreigiau i gynnig y cyfuniad perffaith o addysg a datblygiad rygbi i chi.
Mae ein hacademi wedi’i dylunio i’ch helpu chi i ddatblygu’r sgiliau corfforol, technegol, tactegol a seicolegol angenrheidiol er mwyn dod yn chwaraewr rygbi proffesiynol. Gan gynnig 16 awr o hyfforddiant ymroddedig bob wythnos gan hyfforddwyr profiadol y Dreigiau, cewch fynediad at gyfleusterau’r gampfa, cyngor ar faeth, sgiliau cyffwrdd, sgiliau digyffwrdd a sesiynau hyfforddiant un i un.
Rydym yn croesawu chwaraewyr o bob lefel ac mae dau dîm gyda ni. Mae ein tîm XV cyntaf yn cystadlu yng Nghynghrair Colegau ac Ysgolion Cymru Undeb Rygbi Cymru a chaiff gemau wythnosol eu ffrydio’n fyw ac uchafbwyntiau eu cynnwys ar raglen S4C Rygbi Pawb. Mae’r ail dîm o XV yn adlewyrchu’r tîm cyntaf ac mae’n chwarae yn ei gynghrair ei hun.
Llwyddiannau
Mae gan ein hacademi hanes balch o lwyddiant, gan ennill Cynghrair Colegau ac Ysgolion Cymru Undeb Rygbi Cymru ddwywaith, yn 2013 ac yn 2020. Rydym hefyd wedi cynhyrchu 52 o chwaraewyr rygbi rhyngwladol ar lefel oedran a thri chwaraewr rygbi rhyngwladol ar lefel genedlaethol, gan gynnwys Tyler Morgan, Elliot Dee, ac Ollie Griffiths.
Cyflawniadau Tymor 2024/25
- Pencampwyr y Gynghrair – Cynghrair B Ysgolion a Cholegau Cymru.
- Dyrchafiad i gynghrair A gan gystadlu ar lefel uchaf rygbi coleg.
- 18 o chwaraewyr wedi’u dewis ar gyfer carfan dan 18 y Dreigiau.
- 5 chwaraewr wedi’u dewis ar gyfer carfan hyfforddiant Cymru dan 18 oed.
- 9 chwaraewr wedi ennill contract ar gyfer Academi’r Dreigiau.
Ymunwch â ni a byddwch yn rhan o gymuned gefnogol a chynhwysol lle gallwch chi wireddu eich breuddwydion rygbi wrth ragori yn academaidd.
Cysylltiadau
I gael gwybod mwy am yr hyn y gall yr Academi ei wneud i chi, anfonwch e-bost at rugbyacademy@coleggwent.ac.uk
Matthew Jones
matthew.jones@coleggwent.ac.uk
Cyn chwaraewr rygbi proffesiynol ac uwch chwaraewr rhyngwladol Cymru.
Yn gymwys ar Lefel 3 yr URC, Matthew yw cydlynydd yr academi rygbi a phrif hyfforddwr yr Academi i ddynion, ac mae wedi bod yn gyflogedig yn Coleg Gwent ers 10 mlynedd.
Scott Matthews
scott.matthews@coleggwent.ac.uk
Mae Scott yn gyn-fyfyriwr Coleg Gwent, yn chwaraewr proffesiynol ac yn chwaraewr rhyngwladol gradd oedran Cymreig. Yn gymwys ar Lefel 3 yr URC, Scott yw hyfforddwr blaenwyr yr academi i ddynion ac mae wedi bod yn y swydd ers 6 blynedd.
Evan Lloyd
Steven Llewellyn
steven.llewellyn@coleggwent.ac.uk
Hyfforddwr ein rheolwr tîm a’n blaenwr cynorthwyol. Mae Steve, sy’n gymwys ar Lefel 3 yr URC, wedi trefnu teithiau rygbi unwaith-mewn-oes ar draws De Affrica, Seland Newydd, Hong Kong ac Awstralia. Darlithydd yn Coleg Gwent ers dros 26 mlynedd.
Gradd Sylfaen mewn Rygbi
Mae’r Academi Rygbi wedi ennill statws achrededig Prifysgol De Cymru gan alluogi cyflwyno Gradd Sylfaen PDC mewn Rygbi.
Yr hyn y mae ein chwaraewyr yn ei ddweud…
Astudiais ar gwrs BTEC mewn Chwaraeon ar gampws Crosskeys Coleg Gwent am ddwy flynedd gan fod yn rhan o’r academi rygbi. Cafodd sesiynau’r academi eu rheoli o amgylch fy ymrwymiadau academaidd gan fy ngalluogi i wella fel person ac fel chwaraewr. Rhoddodd yr hyfforddiant a’r sesiynau cryfhau a chyflyru gyfle i mi ddod yn chwaraewr rygbi proffesiynol. Roeddwn yn dwlu ar fy nghyfnod yn Coleg Gwent a byddwn yn ei argymell i unrhyw chwaraewr ifanc uchelgeisiol.
Roedd bod yn rhan o’r academi rygbi yn berffaith i mi am ei bod yn cael ei hamserlennu o amgylch fy astudiaethau academaidd gan olygu bod modd i mi gael profiad o amgylchedd chwaraeon proffesiynol wrth astudio ar gyfer fy nghymhwyster. Rwyf wedi derbyn cefnogaeth gan hyfforddwyr proffesiynol sydd wedi rhoi cyngor penodol ar leoli a sesiynau adolygiad personol o amgylch fy ngwersi er mwyn gwella fy sgiliau fel chwaraewr proffesiynol. Rwyf wedi cynrychioli fy ngwlad yn nhîm Chwe Gwlad dan 18 oed Cymru a oedd yn brofiad anhygoel. Rwyf yn argymell Coleg Gwent a’r academi yn fawr iawn i unrhyw un sy’n dymuno cyfuno ei astudiaethau academaidd â’i ddatblygiad rygbi.
Astudiais ar gyrsiau Safon Uwch ar gampws Crosskeys Coleg Gwent ochr yn ochr ag academi rygbi Coleg Gwent. Gweithiodd yr academi o amgylch fy ngwersi gan olygu fy mod yn gallu gwella fel chwaraewr rygbi a chadw ar ben fy astudiaethau. Roedd yr academi hefyd o gymorth mawr o ran agwedd gymdeithasol yn y coleg am eich bod chi’n cael cyfle i gwrdd â phobl o ledled y coleg cyn i chi gyrraedd. Roedd yr hyfforddwyr a’r chwaraewyr hefyd yn groesawgar iawn ac roeddent wedi helpu i mi deimlo’n gyfforddus wrth i mi ymgartrefu yn ystod fy mlwyddyn gyntaf.