Siapio sgiliau cyfredol a’r dyfodol. Unigolion ysbrydoledig. Archwilio gweithlu’r dyfodol.
Partneriaethau a Chydweithio
Rydym wedi gweithio gyda nifer o gyflogwyr dros y blynyddoedd, ac mae ein partneriaethau wedi helpu i greu gwahaniaeth gwirioneddol o fewn cymunedau lleol. Mae ein perthynas â busnesau wedi annog cydweithio ac arloesi, yn ogystal â chynnig cyfleoedd cyllido i fod o fudd i ddysgwyr, yn ogystal â busnesau a’r economi ehangach.
Mae codi ymwybyddiaeth o sut fyddai Coleg Gwent yn hoffi paru â chi drwy amrywiaeth o weithgareddau a chyfleoedd yn hanfodol. Mae adeiladu cydweithio cryfach â chyflogwyr yn sicrhau bod ein cwricwlwm yn cysylltu’n agos â’r byd gwaith go iawn, a’r galw am sgiliau yn y dyfodol.
Rydym wastad yn chwilio am bartneriaid i ymestyn yr hyn mae’r Coleg yn ei gynnig, cyrraedd dysgwyr newydd, defnyddio dulliau trosglwyddo gwahanol a darparu’r safon uchaf o addysgu.
Dyma rai o’r cyflogwyr rydym yn gweithio mewn partneriaeth â nhw ar hyn o bryd:
Richard Selby, Cyfarwyddwr a Chyd Sylfaenydd Pro Steel Engineering
“Ers i’n hyfforddeion o Goleg Gwent ymuno â ni, maen nhw wedi integreiddio’n dda â’r busnes ac wedi dangos i bobl eraill o fewn y busnes yr hyn y gall gwaed newydd a syniadau ffres ei gynnig, gan feddwl am arloesiadau a syniadau newydd. Mae ganddyn nhw’r ymdeimlad gwirioneddol hwnnw o egni a bywiogrwydd sydd ei angen arnom o fewn y busnes, pan mae gennym, mewn gwirionedd, weithlu sy’n heneiddio.”
Gareth Williams, Cyfarwyddwr a Chyd Sylfaenydd Tiny Rebel
“Roedd partneru gyda Coleg Gwent yn gam naturiol i ni yn Tiny Rebel. Rydym wedi gweithio gyda’u myfyrwyr yn ein cegin a’n bragdy, ac mae wedi bod yn ffordd wych o fanteisio ar dalent ifanc wrth rhoi rhywbeth yn ôl i’r gymuned. Mae cymeryd rhan yn yr Addewid Cyflogwyr yn helpu ni i godi ymwybyddiaeth, adeiladu gweithle’r dyfodol, a gwthio’r busnes ymlaen.”
Rebecca Legge, Cyfarwyddwr Adnoddau Dynol yn AluK
“Mae AluK yn angerddol am ddarparu cyfleoedd i dyfu a ffynnu ac rydym yn gyffrous am y bartneriaeth gyda Coleg Gwent i hwyluso hyn. Fel cyn-fyfyriwr Coleg Gwent, rwy’n gefnogwr hiroes ac rwyf wedi cael profiad personol o’r amgylchedd a’r cyfleoedd anhygoel sy’n cael eu darparu yn y coleg. Mae AluK yn cydnabod nid yw pob llwybr gyrfa yr un peth a thrwy hwyluso llwybrau gwahanol at ddiwydiant, bydd modd gweld ein diwydiant a’n sector yn parhau i dyfu yn y blynyddoedd i ddod. Mae hyn hefyd yn rhoi cyfle anhygoel i’n tîm gael mynediad at gyfleoedd dysgu a datblygu o’r radd flaenaf a rhannu gwybodaeth amhrisiadwy gyda’r genhedlaeth nesaf.”
Darganfyddwch y gwahanol ffyrdd
y gallech chi a’ch sefydliad fod yn bartner i ni
