City & Guilds Diploma NVQ mewn Trin Gwallt Lefel 3

Yn gryno

Mae’r cwrs hwn yn canolbwyntio ar ddatblygu’r egwyddorion sylfaenol a’r sgiliau ymarferol uwch sydd eu hangen yn y diwydiant trin gwallt.

Mae’n ddelfrydol ar gyfer y rheini sy’n cael eu cyflogi mewn salon trin gwallt ar hyn o bryd, ac mae’r holl asesiadau’n cael eu cynnal yn y gweithle.

Mae'r cwrs hwn ar gyfer...

... unrhyw un sy’n gweithio/cael eu cyflogi ar hyn o bryd mewn amgylchedd salon trin gwallt gyda sylfaen reolaidd o gleientiaid

... y rheini sydd wedi cwblhau cymhwyster Lefel 2 mewn Trin Gwallt

... y rheini sy’n frwd dros drin gwallt

... unigolion sy’n gweithio’n galed gyda sgiliau cyfathrebu da.

Cynnwys y cwrs

Mae sesiynau ymarferol gyda chleientiaid ac mae’r holl theori ynghlwm.

Yn ystod y cwrs hwn, gallwch gynnwys unedau o'r rhestr isod.

UNEDAU GORFODOL/UNEDAU DEWISOL

• Darparu gwasanaethau ymgynghori i gleientiaid

• Steilio a gwisgo gwallt yn greadigol

• Torri gwallt yn greadigol gan ddefnyddio cyfuniad o dechnegau
  • Lliwio a goleuo gwallt yn greadigol
  • Gwasanaethau cywiro lliw gwallt
  • Torri gwallt dynion gan ddefnyddio techneg sylfaenol
  • Creu amrywiaeth o effeithiau pyrmio
  • Sgiliau Cyflogadwyedd

  Bydd y cwrs hwn yn adeiladu ar eich sgiliau trin gwallt canolradd ac yn eich helpu i ddatblygu technegau mwy creadigol.

Gofynion Mynediad

Diploma Lefel 2 mewn Trin Gwallt

Gwybodaeth Ychwanegol

Fel amod o’ch lle ar y cwrs hwn, bydd disgwyl i chi brynu’r cit priodol, gan ein cyflenwr cymeradwy, sy’n costio tua £140 yn amodol ar adolygiad/cynnydd mewn prisiau oherwydd chwyddiant.

Er mwyn adlewyrchu disgwyliadau’r diwydiant, bydd gofyn i chi wisgo gwisg salon Coleg Gwent a fydd yn cael ei archebu gan ein cyflenwr cymeradwy.

Gellir cael manylion am sut i archebu eich gwisg, ynghyd ag opsiynau talu cyflenwyr, gan Bennaeth eich Ysgol, Darlithydd neu Dechnegydd.

Mae’r pris ar gyfer 2024/2025 yn oddeutu £45, yn amodol ar gynnydd mewn prisiau oherwydd chwyddiant.