ABBE Tystysgrif ar gyfer Aseswyr Ôl-ffitio Lefel 3

Yn gryno

Bwriad y cymhwyster hwn yw cwmpasu pob agwedd o'r rôl Aseswr Ôl-osod PAS2035 gan roi'r wybodaeth y ddealltwriaeth a'r sgiliau i'r dysgwr allu ymgymryd ag asesiad a chynhyrchu adroddiad cyflwr. Mae'n cynnwys dealltwriaeth o egwyddorion a safonau Ôl-osod, dealltwriaeth o'r strwythurau adeiladu, gwerthuso adeiladau ac asesiadau deiliadaeth sydd i gyd yn hanfodol yn y rôl hon.

Mae’r cwrs hwn ar gael fel rhan o Gyfrif Dysgu Personol (PLA). Mae PLA yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser, rhad ac am ddim sydd â ffyrdd hyblyg a chyfleus o ddysgu sy’n addas i’w ffordd o fyw bresennol (yn amodol ar gymhwysedd).

Mae'r cwrs hwn ar gyfer...

... unrhyw un 19 oed a hŷn, sy’n byw yng Nghymru, ac mewn cyflogaeth. Nid yw’r terfyn cyflog arferol o £32,371 yn berthnasol i’r cwrs hwn.

... rhai sydd eisoes yn gweithio o fewn yr amgylchedd adeiledig neu'r sector adeiladu.

... rhai sydd eisiau arddangos y sgiliau a'r wybodaeth y maent wedi eu hennill drwy gyflogaeth er mwyn cyflawni cymhwyster sy'n cael ei gydnabod yn genedlaethol.

... Aseswr Ynni Domestig presennol sydd eisiau uwchsgilio i Aseswr Ôl-osod.

Cynnwys y cwrs

Mae'r cwrs hwn yn ymdrin â sut i asesu anheddau ar gyfer ôl-ffitio, nodi opsiynau gwella, dylunio a nodi mesurau effeithlonrwydd ynni a monitro prosiectau ôl-osod. Mae ôl-osod o'r fath yn gwbl hanfodol i helpu i leihau allyriadau carbon o gartrefi ac i helpu i fynd i'r afael â newid yn yr hinsawdd. Yn deillio o waith yr adolygiad Mae Pob Cartref yn Cyfri, nod PAS yw sefydlu fframwaith cadarn o safonau ar sut i gynnal ôl-ffitio ynni tŷ cyfan effeithiol o adeiladau presennol.

Mae’r cymhwyster Tystysgrif Lefel 3 ar gyfer Aseswyr Ôl-osod wedi’i datblygu i alluogi’r rhai sy’n gweithio yn y sector adeiladu a’r amgylchedd adeiledig i gymryd cymhwyster sy’n cwmpasu rôl Aseswr Ôl-osod PAS2035. Bydd y cymhwyster yn bodloni gofynion rheoliadol a bydd yn defnyddio'r Cynlluniau Achredu i gynhyrchu'r adroddiad.

Mae'r cwrs hwn yn seiliedig ar yr ystafell ddosbarth. Mae'r dull traddodiadol hwn yn cynnwys mynychu'r cwrs wyneb yn wyneb yn ein canolfan hyfforddi. O fewn lleoliad ystafell ddosbarth, bydd hyfforddwyr yn darparu darlithoedd, yn cynnal trafodaethau ac yn darparu ymarferion byw neu astudiaethau achos sy'n berthnasol i asesiad Ôl-osod domestig. Bydd y fformat hwn yn caniatáu rhyngweithio uniongyrchol gyda'r hyfforddwyr a chyd-ddysgwyr.

Manylion y Ganolfan

Canolfan Egni Cynaliadwy, Old Compton Place, Stryd y Gorfforaeth, Casnewydd, NP19 4AD (y tu mewn i Adeilad Robert Price)

Mae parcio am ddim ar gael.

Rhaid i ddysgwyr gyflawni’r wyth uned gorfodol canlynol er mwyn sicrhau'r cymhwyster hwn:

• Deall egwyddorion PAS2035, Nod Ymddiriedaeth a'r Stordy Data
• Cyngor effeithlonrwydd ynni ôl-osod
• Deall safonau ôl-osod
• Deall asesiad risg Ôl-osod â'r effaith mae'n ei gael ar aseswyr.
• Deall ffisioleg adeiladu
• Asesiad Deiliadaeth
• Cynnal gwerthusiad preswylfa
• Cynhyrchu adroddiad cyflwr ar gyfer preswylfa

Disgwylir i unigolion sy'n dilyn y cwrs Aseswr Ôl-osodiad Lefel 3 gyflawni gofynion penodol ac arddangos nodweddion penodol drwy gydol eu taith ddysgu. Dyma ychydig o'r disgwyliadau:

• Ymrwymiad a phenderfyniad: Mae dilyn y cwrs yn gofyn am ddiddordeb gwirioneddol ac ymrwymiad i arferion effeithlonrwydd ynni ac adeiladu cynaliadwy. Dylai cyfranogwyr bod yn fodlon buddsoddi amser ac ymdrech yn dysgu'r cysyniadau, methodolegau a thechnegau.
• Gallu technegol: Mae dealltwriaeth sylfaenol o wyddor adeiladu, cysyniadau ynni a mathemateg yn fuddiol. Dylai cyfranogwyr fod yn gyfforddus gyda chyfrifiadau rhifyddeg, dadansoddi data a defnyddio offer meddalwedd ar gyfer modelu a dadansoddi ynni.
• Rhoi sylw i fanylion: Mae angen i aseswyr ôl-osodiad fod yn fanwl gywir wrth wneud asesiadau, casglu a dadansoddi data. Dylent gymryd sylw manwl o fanylion er mwyn sicrhau canlyniadau manwl gywir ac argymhellion dibynadwy.
• Sgiliau dadansoddi a datrys problemau: Mae'r cwrs yn cwmpasu dadansoddi systemau adeiladu, adnabod cyfleoedd i arbed ynni a gwerthuso mesurau ôl-osodiad. Dylai cyfranogwyr fod â sgiliau dadansoddi a datrys problemau cryf er mwyn asesu perfformiad ynni'n effeithiol a chynnig datrysiadau priodol.
• Cyfathrebu ac ysgrifennu adroddiadau: Disgwylir i aseswyr ôl-osod gyfathrebu eu canfyddiadau, argymhellion ac adroddiadau i gleientiaid, perchnogion adeiladau neu randdeiliaid prosiect. Mae sgiliau cyfathrebu ysgrifenedig a llafar da yn bwysig er mwyn cyfleu gwybodaeth dechnegol mewn ffordd eglur a chryno.
• Y gallu i addasu a dysgu parhaus: Mae maes effeithlonrwydd ynni ac ôl-osod yn esblygu'n barhaus. Dylai cyfranogwyr fod yn agored i ddysgu am dechnolegau newydd, technegau a safonau'r diwydiant. Dylent arddangos y gallu i addasu a pharodrwydd i gadw'n gyfredol gyda thueddiadau newydd ac arferion gorau.
• Cydweithredu a gwaith tîm: Mae aseswyr ôl-osod yn aml yn gweithio mewn cydweithrediad gyda gweithwyr proffesiynol eraill, megis penseiri, peirianwyr a chontractwyr. Dylent fod yn gallu cydweithredu'n effeithiol, cyfrannu at dimau amlddisgyblaethol a chydlynu ymdrechion i roi prosiectau ôl-osod ar waith yn llwyddiannus.
• Proffesiynoldeb a moeseg: Disgwylir i aseswyr ôl-osod gadw at safonau proffesiynol, moeseg a chyfrinachedd. Dylent fod ag uniondeb, gonestrwydd a pharch tuag at gleientiaid, rhanddeiliaid a'r proffesiwn yn ei gyfanrwydd.

Drwy gyflawni'r disgwyliadau hyn, gall unigolion fwyhau eu profiad dysgu, rhagori yn eu rolau fel aseswyr ôl-osod, a chyfrannu'n effeithio at faes effeithlonrwydd ynni ac arferion adeiladu cynaliadwy.

Wedi iddynt gwblhau cwrs Aseswr Ôl-osod Lefel 3, gall unigolion ddilyn amrywiol lwybrau gyrfa a chyfleoedd ym maes effeithlonrwydd ynni ac arferion adeiladu cynaliadwy. Gall rhai camau nesaf posib gynnwys cyflogaeth mewn asesu ynni ac ôl-osod neu astudio ar gyfer cymwysterau pellach gan gynnwys Cydlynydd Ôl-osod Lefel 5, Tystysgrif NQV Lefel 2 mewn Triniaethau Insiwleiddio Adeiladau a Thystysgrif NVQ Lefel 3 mewn Triniaethau Insiwleiddio Adeiladau.

Gofynion Mynediad

Mae yna rai gofynion mynediad ar gyfer y cwrs hwn:

• Asesiad Ynni Domestig (DEA): Rhaid i bob ymgeisydd gwblhau'r cymhwyster DEA sydd hefyd ar gael gan PLA Coleg Gwent. Gofynnwch i'ch cynghorydd Coleg Gwent am ragor o fanylion.
• Cefndir addysgol: Fel arfer, nid oes unrhyw ragofynion addysgol penodol ar gyfer y cwrs hwn. Fodd bynnag, bydd cefndir addysgol sylfaenol mewn maes cysylltiedig megis peirianneg, pensaernïaeth, gwyddor adeiladu, gwyddor yr amgylchedd, ôl-osod, neu ddisgyblaeth gysylltiedig o fudd.
• Profiad: Gall profiad blaenorol ym meysydd effeithlonrwydd ynni ac asesiadau adeiladu, neu feysydd cysylltiedig, fod yn fanteisiol ond nid yw bob amser yn ofynnol. Gall y cwrs fod yn addas ar gyfer unigolion sy'n dymuno ymuno â'r diwydiant effeithlonrwydd ynni ac ôl-osod neu drosglwyddo iddo.

Gwybodaeth Ychwanegol

Bwriad rhaglen PLA yw darparu cyngor ac arweiniad o safon ar yr yrfa i gyfranogwyr cyn, yn ystod ac wedi eu dysgu.

Cyn i chi gael eich ymrestru ar eich cwrs sydd wedi'i ariannu gan PLA, bydd cynllun dysgu unigol yn cael ei drafod gyda chi er mwyn sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd perthnasol
• profiad blaenorol o fewn y diwydiant neu faes
• dyheadau gyrfa yn y dyfodol
• ymrwymo i'r amser sydd ei angen