RTITB Triniwr Deunyddiau Telesgopig (Teledriniwr) - Gweithredwr Newydd

Yn gryno

Bydd y cwrs hyfforddi Trinwyr Deunyddiau Telesgopig (y cyfeirir ato'n aml fel “Teledriniwr”, neu Teleandler) yn rhoi'r sgiliau i chi weithredu'r tryc codi yn ddiogel ac yn effeithlon, cynnal archwiliad cyn-ddefnydd, ac atgofio ac egluro achosion ansefydlogrwydd y tryc codi a’r llwyth.

Defnyddir Trinwyr Deunyddiau Telesgopig yn helaeth ar draws y diwydiant adeiladu ac amaethyddol oherwydd eu natur amlbwrpas a'u gallu i symud llwythi o bob math. Mae'r peiriannau fel arfer yn fwy amlbwrpas na thryciau cydbwyso llai oherwydd eu gallu i estyn i fyny ac ymlaen ymhellach, a’u capasiti codi uwch.

Ar ôl cwblhad llwyddiannus byddwch yn cael trwydded achrededig gan yr RTITB a fydd yn ddilys am 3 blynedd.

Mae’r cwrs hwn ar gael fel rhan o Gyfrif Dysgu Personol (PLA). Mae PLA yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser, rhad ac am ddim sydd â ffyrdd hyblyg a chyfleus o ddysgu sy’n addas i’w ffordd o fyw presennol.

Mae'r cwrs hwn ar gyfer...

...unrhyw un dros 19 oed sy'n byw yng Nghymru, mewn cyflogaeth ac yn ennill llai na £32,371 y flwyddyn.

... unrhyw un sy'n chwilio am yrfa yn niwydiant, adeiladu neu amaethyddiaeth, lle ddefnyddir trinwyr telesgopig yn rheolaidd

Cynnwys y cwrs

Mae’r cwrs hyfforddiant Gweithredwr newydd yn cael ei gwblhau dros 5 diwrnod.

Erbyn diwedd y cwrs, dylech fod yn gallu:

• Arddangos gwybodaeth a dealltwriaeth o’r peiriant a sut i’w weithredu’n ddiogel
• Lleoli ac adnabod y prif gydrannau a rheolyddion y peiriant ac egluro eu ffwythiannau
• Egluro’r ffactorau sy’n effeithio ar sefydlogrwydd y wagen ac adnabod sut i gynnal sefydlogrwydd y wagen a’i llwyth
• Egluro peryglon gorlwytho’r wagen a dangos sut i osgoi gorlwytho
• Cynnal yr holl wiriadau cyn-gweithredu
• Cynnal yr holl wiriadau diogelwch angenrheidiol yn yr ardal waith
• Symud y peiriant yn ddiogel pan mae’n llawn ac yn wag, dros amrywiol arwynebeddau a thir anwastad
• mewn ardaloedd agored ac ardaloedd cyfyngedig ac ar oleddf
• Ymgymryd â thasgau codi a chario llwythau, gan ddefnyddio tŵr llwytho allan (sgaffaldiau) a/neu gerbyd ar y ffordd
• Ffitio, addasu a/neu symud unrhyw atodiadau i ffwrdd
• Gweithredu yr holl weithdrefnau diwedd sifft a chau i lawr

Bydd gofyn i chi basio prawf theori ac asesiad gweithredwr ymarferol er mwyn cwblhau'r cwrs yn llwyddiannus.

Gofynion Mynediad

Lefel sylfaenol o sgiliau darllen ac ysgrifennu Saesneg.

Argymhellir esgidiau diogelwch, ond nid yw hyn yn orfodol. Gan fod rhywfaint o hyfforddiant yn cael ei gwblhau yn yr awyr agored fe'ch cynghorir i wisgo'n briodol ar gyfer y tywydd.

Gwybodaeth Ychwanegol

Bwriad rhaglen PLA yw darparu cyngor ac arweiniad o safon ar yr yrfa i gyfranogwyr cyn, yn ystod ac wedi eu dysgu.

Cyn i chi gael eich ymrestru ar eich cwrs sydd wedi'i ariannu gan PLA, bydd cynllun dysgu unigol yn cael ei drafod gyda chi er mwyn sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd perthnasol
• profiad blaenorol o fewn y diwydiant neu faes
• dyheadau gyrfa yn y dyfodol
• ymrwymo i'r amser sydd ei angen

Bydd hyn hefyd yn cynnwys trafodaeth benodol ar y meysydd isod ar gyfer y cwrs hwn:

• dyheadau gyrfa er mwyn sicrhau trwydded i wella cyfleoedd gwaith
• profiad blaenorol o wagenni fforch-godi
• hyfforddiant blaenorol neu dystysgrif a sicrhawyd yn y maes hwn