RTITB Tryc Codi Gwrthbwyso (Categori B1) - Gweithredwr Profiadol

Yn gryno

Bydd y cwrs hyfforddi gweithredwr Tryc Codi Gwrthbwyso (y cyfeirir ato'n aml fel fforch godi) yn rhoi'r sgiliau i chi weithredu'r tryc codi yn ddiogel ac yn effeithlon, cynnal archwiliad cyn-ddefnydd, ac atgofio ac egluro achosion ansefydlogrwydd y tryc codi a’r llwyth.

Yn dilyn cyflawniad llwyddiannus byddwch yn cael trwydded achrededig gan yr RTITB (Road Transport Industry Training Board), sy'n eich galluogi i yrru peiriannau o hyd at 5 tunnell o bwysau.

Mae’r cwrs hwn ar gael fel rhan o Gyfrif Dysgu Personol (PLA). Mae PLA yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser, rhad ac am ddim sydd â ffyrdd hyblyg a chyfleus o ddysgu sy’n addas i’w ffordd o fyw presennol.

Mae'r cwrs hwn ar gyfer...

...unrhyw un dros 19 oed sy'n byw yng Nghymru, mewn cyflogaeth ac yn ennill llai na £32,371 y flwyddyn.

... unrhyw un sy'n chwilio am yrfa o fewn y sectorau diwydiannol neu logisteg, lle defnyddir tryciau codi yn rheolaidd

... unigolion sydd eisoes â thrwydded cerbyd nwyddau mawr ac sydd am uwchsgilio eu cymhwyster

... gweithredwyr ar lefel brofiadol o sgiliau

Cynnwys y cwrs

Trwy gydol y cwrs byddwch yn astudio’r meysydd pwnc canlynol:

• Cyfrifoldebau gweithredwyr o dan Ddeddf Iechyd a Diogelwch yn y Gwaith 1974, PUWER 98 a LOLER 98
• Cod Diogelwch Gweithredwyr
• Ail-wefru neu ail-lenwi Ffyrch Codi Gwrthbwyso Disel, Nwy neu Drydan
• Gwiriadau cyn-ddefnydd
• Ffactorau sy'n effeithio ar sefydlogrwydd
• Rheolaethau symudol a hydrolig y Fforch Godi Gwrthbwyso
• Symud y Fforch Godi godi mewn mannau agored a chyfyng
• Pentyrru ar wahanol lefelau
• Dad-bentyrru gyda phaledi llwythog a di-lwyth
• Gweithio i mewn ac allan o racio gyda'r Fforch Godi Gwrthbwyso

Bydd gofyn i chi basio prawf theori ac asesiad ymarferol er mwyn cwblhau'r cwrs yn llwyddiannus.

Gofynion Mynediad

Lefel sylfaenol o sgiliau darllen ac ysgrifennu Saesneg.

Argymhellir esgidiau diogelwch, ond nid yw hyn yn orfodol. Gan fod rhywfaint o hyfforddiant yn cael ei gwblhau yn yr awyr agored fe'ch cynghorir i wisgo'n briodol ar gyfer y tywydd.

Gwybodaeth Ychwanegol

Cwblheir y cwrs hyfforddi Gweithredwyr Profiadol dros 3 ddiwrnod.