APMG Rhithwir Ar-lein - Rheoli Prosiectau Hyblyg (AgilePM®) Sylfaen

Yn gryno

Darganfyddwch gysyniadau Agile, dewch  i ddeall egwyddorion uwch a dysgwch sut i reoli prosiectau yn fwy effeithiol ac effeithlon gyda methodolegau rheoli prosiect Agile.

Mae fframwaith rheoli prosiect Agile yn defnyddio dull cynyddrannol o ran y prosesau adeiladu a rheoli, a bydd y cwrs hwn yn eich addysgu am gysyniadau allweddol y fframwaith, a sut i'w rhoi ar waith mewn prosiectau go iawn, gan gynyddu cyfraddau llwyddo.

Mae’r cwrs hwn ar gael fel rhan o Gyfrif Dysgu Personol (PLA). Mae PLA yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser, rhad ac am ddim sydd â ffyrdd hyblyg a chyfleus o ddysgu sy’n addas i’w ffordd o fyw presennol.

Mae'r cwrs hwn ar gyfer...

...unrhyw un dros 19 oed, sy'n byw yng Nghymru, mewn cyflogaeth ac yn ennill llai na £32,371 y flwyddyn.

...unrhyw un sy'n croes-hyfforddi ar gyfer swydd mewn rheoli prosiectau sydd angen cymhwyster i agor opsiynau cyflogaeth newydd.

..unrhyw un sydd eisiau deall eu rôl yn well, gwella eu gwybodaeth ac angen tystiolaeth o'u profiad Agile.

Cynnwys y cwrs

Darperir y cwrs hwn drwy ddosbarth rhithiol. Mae dosbarthiadau rhithiol gyfwerth â chyrsiau dosbarth wyneb yn wyneb, ond fe'u darperir mewn amgylchedd ar-lein.

Hyd y Cwrs: 3 diwrnod

Yn ystod y cwrs, byddwch yn dysgu’r canlynol:

• Athroniaeth ac egwyddorion sylfaenol Agile
• Cylch bywyd prosiect Agile, gan gynnwys cyfluniadau amgen
• Y cynhyrchion a gynhyrchwyd yn ystod prosiect Agile a’u pwrpas
• Y technegau a ddefnyddir a’u manteision a’u cyfyngiadau
• Y rolau a’r cyfrifoldebau o fewn prosiect Agile

Gofynion Mynediad

Nid oes gofynion ffurfiol, ond bydd angen i chi fod â diddordeb byw yn y pwnc.

Bydd angen i chi fod â mynediad i'r rhyngrwyd, cyfrifiadur Windows a gwe-gamera/meicroffôn.

Gwybodaeth Ychwanegol

Bwriad rhaglen PLA yw darparu cyngor ac arweiniad o safon ar yrfa i gyfranogwyr cyn, yn ystod ac wedi eu dysgu.

Cyn i chi gael eich ymrestru ar eich cwrs sydd wedi'i ariannu gan PLA, bydd cynllun dysgu unigol yn cael ei drafod gyda chi er mwyn sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd perthnasol
• profiad blaenorol o fewn y diwydiant neu'r maes
• dyheadau gyrfa yn y dyfodol
• ymrwymo i'r amser sydd ei angen

Bydd hyn hefyd yn cynnwys trafodaeth benodol ar y meysydd isod ar gyfer y cwrs hwn:

• unrhyw brofiad blaenorol gyda methodoleg Agile
• profiad o weithio ar unrhyw brosiectau oedd yn defnyddio arferion Agile
• profiad gyda fframweithiau rheoli prosiect eraill neu fethodolegau (e.e. PRINCE2, Scrum, APM)