BPEC ACS Ailasesiadau Nwy (CENWAT1, CKR1, HTR1, MET1)

Yn gryno

Mae'r diwydiant nwy domestig yn cael ei reoleiddio'n llym, gyda'r asesiad yn cael ei ddarparu o dan y Cynllun Achredu Ardystio (ACS). Mae Canolfan Nwy ACS y coleg yn ganolfan BPEC gymeradwy sy'n cynnig amrywiaeth eang o gyrsiau nwy domestig sy'n ddelfrydol ar gyfer plymwyr profiadol. Ar ôl cwblhau'n llwyddiannus, byddwch yn gymwys i wneud cais am gofrestru gyda Gas Safe.

Bydd y cwrs hwn yn eich galluogi i adnewyddu'ch cymwysterau nwy ACS presennol, sy'n ofynnol bob 5 mlynedd. 

Ar ôl cwblhau'r asesiadau hyn mewn unedau newydd, byddwch yn gallu ehangu'ch cwmpas gwaith ac yn gallu datblygu'ch gyrfa ym maes y diwydiant nwy.

Mae'r cwrs hwn ar gael fel rhan o Gyfrif Dysgu Personol (PLA). Menter gan Lywodraeth Cymru yw PLA sy'n cynnig cyfle i bobl gael mynediad at gyrsiau rhan-amser am ddim gyda dysgu hyblyg a chyfleus sy'n cyd-fynd â'u ffordd o fyw bresennol (yn ddarostyngedig i gymhwysedd).

Mae'r cwrs hwn ar gyfer...

... unrhyw un dros 19 oed, yn byw yng Nghymru, mewn cyflogaeth ac yn ennill llai na £32,371 y flwyddyn.

...am gymryd y cam nesaf yn eich gyrfa yn y diwydiant nwy.

...unrhyw un sydd eisiau parhau i fod yn Gosodwr Nwy cofrestredig.

Cynnwys y cwrs

Mae'r Coleg yn cynnal amrywiaeth eang o asesiadau. Mae tystysgrifau'n ddilys am bum mlynedd, ar ôl hynny mae angen ail-asesu. Nid yw hyfforddiant yn rhagofyniad ar gyfer ail-asesu, ond gellir ei ddarparu gan y coleg ar gais. I gwblhau'r asesiadau cychwynnol, rhaid i chi feddu ar dystysgrif i dystio eich bod wedi cwblhau rhaglen dysgu wedi'i rheoli berthnasol. 

Byddwch yn cael eich asesu ar eich cymhwysedd i gyflawni gwaith nwy yn ddiogel yn y meysydd canlynol: 

• CCN1 - Diogelwch nwy domestig craidd sy'n cynnwys CPA1 (dadansoddiad perfformiad hylosgi nwy naturiol a nwy petrolewm hylifedig)  

Sylwch fod yn rhaid i ymgeiswyr feddu ar CCN1 cyn cwblhau'r asesiad ar y dyfeisiau canlynol: 

CENWAT - Gosod, cyfnewid, comisiynu, datgysylltu, gwasanaethu, atgyweirio ac ymdrin â methiannau o systemau gwres canolog nwy domestig a boeleri dŵr poeth a chylchredwyr, boeleri cyfunol, gwresogyddion dŵr storio a gwresogyddion dŵr digymell. 

• CENWAT - Gosod, cyfnewid, comisiynu, datgysylltu, gwasanaethu, atgyweirio ac ymdrin â methiannau o systemau gwres canolog nwy domestig a boeleri dŵr poeth a chylchredwyr, boeleri cyfunol, gwresogyddion dŵr storio a gwresogyddion dŵr digymell.  
• CKR1 - Gosod, cyfnewid, gwasanaethu, atgyweirio, ymdrin â methiannau a chomisiynu offer coginio nwy domestig. 
• HTR1 - Gosod, cyfnewid, gwasanaethu, atgyweirio, ymdrin â methiannau a chomisiynu tân nwy domestig agored, wedi'u cydbwyso a gyda chymorth ffan, a gwresogyddion wal. 
• MET1 - Gosod, cyfnewid, tynnu a chomisiynu mesuryddion nwy domestig.

Gofynion Mynediad

I gofrestru ar y cwrs hwn, rhaid i chi naill ai: 

Feddu ar dystysgrif ACS gyfredol ac angen asesiad pellach 

neu 

Feddu ar dystysgrif ACS sydd wedi dod i ben (os yw dros 12 mis, bydd angen asesiad cychwynnol arnoch) 

neu 

Feddu ar dystysgrif i dystio eich bod wedi cwblhau rhaglen dysgu wedi'i rheoli berthnasol 

Rhaid darparu'r dystiolaeth hon i'r ganolfan asesu cyn i chi allu eistedd unrhyw asesiadau.

Gwybodaeth Ychwanegol

Bydd dyddiadau'r cwrs yn cael eu trafod wrth wneud cais.