ABBE Diploma mewn Cydlynu Ôl-osod a Rheoli Risg Lefel 5

Yn gryno

Mae Cyfrif Dysgu Personol yn fenter newydd gan Lywodraeth Cymru. Mae'n ffordd hyblyg a rhad ac am ddim o ddysgu. Bydd y fenter yn rhoi cyfle i bobl gael mynediad at gyrsiau rhan amser, rhad ac am ddim sy'n cynnig ffyrdd hyblyg a chyfleus o ddysgu i gyd-fynd â'u ffordd bresennol o fyw.

Mae’r cymhwyster hwn wedi’i gynllunio ar gyfer unigolion sydd eisoes wedi cymhwyso mewn rheoli prosiect safle/adeilad i ennill cymhwyster mewn cydgysylltu prosiectau a rheoli risg prosiectau ol-osod domestig, yn ogystal â darparu llwybr i’r rhai sydd eisoes yn gweithio ym maes ôl-osod ond heb gymwysterau priodol.

Bydd y cymhwyster yn rhoi’r wybodaeth a’r sgiliau penodol i ddysgwyr allu cyflwyno prosiectau ôl-osod domestig i’r safonau a nodir yn PAS2035. Mae rôl y Cydlynydd Ôl-osod yn orfodol ar gyfer pob prosiect a wneir ar y cyd a PAS2035 a gefnogir yn llawn gan Lywodraeth Cymru a TrustMark.

Mae'r cwrs hwn ar gyfer...

... unrhyw un 19 oed a hŷn, sy’n byw yng Nghymru, ac mewn cyflogaeth Nid yw’r terfyn cyflog arferol o £32,371 yn berthnasol i’r cwrs hwn.

... unigolion sydd ynghlwm â’r sector adeiladu domestig, yn enwedig y rhai hynny sydd eisoes ynghlwm â phrosiectau datgarboneiddio/effeithlonrwydd ynni, neu sy’n awyddus i fod ynghlwm â phrosiectau o'r fath

... unigolion sy’n gweithio yn y diwydiant adeiladu, ac sy’n arbenigo mewn ôl-osod

Cynnwys y cwrs

Mae’r cymhwyster Lefel 5 hwn wedi’i ddylunio i ymdrin â chydgysylltu prosiect o un pen i’r llall, o ddechrau prosiect ôl-osod hyd at drosglwyddo a gwerthuso parhaus, gan gynnwys:

• Asesu Anheddau ar gyfer Ôl-osod
• Ffiseg Adeiladu - Rheoli Risg
• Gwerthusiad Opsiwn Gwella a Chynlluniau Ôl-osod Tymor Canolig
• Gwella Aerglosrwydd ac Awyru
• Gwella Ffabrig yr Adeilad - Waliau a Ffenestri
• Gwella'r Gwasanaethau Adeiladu - Gwresogi, Dŵr Poeth, Goleuadau a Phŵer
• Gwella’r Gwasanaethau Adeiladu - Systemau Ynni Adnewyddadwy
• Cyflwyniad i Ôl-osod Dan PAS2035
• Profi, Monitro a Gwerthuso Ôl-osod
• Sicrhau Ansawdd a Rheoli Risg Ôl-osod
• Deall y Gofynion ar gyfer Cyflwyno Mesurau i TrustMark

Asesir y cymhwyster drwy gyfuniad o brawf gwybodaeth gorfodol diwedd cymhwyster, trafodaeth(au) proffesiynol ac astudiaeth achos senario wedi’i gosod yn allanol ac wedi’i marcio’n fewnol.

Mae cyflawni’r cymhwyster hwn yn cadarnhau bod y dysgwr wedi ennill y wybodaeth a’r sgiliau sydd eu hangen i symud ymlaen yn uniongyrchol i gyflogaeth fel Cydlynydd Ôl-osod ar gyfer prosiectau ôl-osod domestig a ddarperir o dan PAS 2035.

Gofynion Mynediad

Cewch eich asesu yn seiliedig ar eich gwybodaeth gyfredol, a gellir gofyn unrhyw gwestiynau a chynnal trafodaeth broffesiynol yn ystod eich amser eich hun. Er mwyn ymgymryd â'r NVQ hwn bydd angen i chi feddu ar wybodaeth a phrofiad blaenorol yn y diwydiant adeiladu a’r amgylchedd adeiledig.

Mae’n rhaid i ddysgwyr feddu ar gymhwyster Lefel 4 mewn pwnc sy’n ymwneud ag adeiladu fel pensaernïaeth, tirfesur, peirianneg neu reoli safle adeiladu, neu Gymhwyster Galwedigaethol Cenedlaethol (CGC) ar Lefel 3 neu uwch a bod ag o leiaf 5 mlynedd o brofiad mewn pwnc sy’n ymwneud â rheoli neu oruchwylio prosiectau adeiladu ac adeiladu domestig.

Mae’n rhaid i ymgeiswyr feddu ar lefel sylfaenol o lythrennedd, yn gyflogedig a bod mewn sefyllfa lle gellir arsylwi gwaith sy’n mynd rhagddo. Mae’n bosibl y bydd angen sgiliau TG sylfaenol arnoch chi, ond nid yw hynny'n hanfodol

Gwybodaeth Ychwanegol

Bwriad rhaglen PLA yw darparu cyngor ac arweiniad o safon ar yr yrfa i gyfranogwyr cyn, yn ystod ac wedi eu dysgu.

Cyn i chi gael eich ymrestru ar eich cwrs sydd wedi'i ariannu gan PLA, bydd cynllun dysgu unigol yn cael ei drafod gyda chi er mwyn sicrhau bod y dysgu cywir wedi cael ei ystyried.

Bydd hyn yn cynnwys trafodaeth gyffredinol ar y pynciau canlynol:

• addysg ffurfiol neu gymwysterau mewn meysydd perthnasol
• profiad blaenorol o fewn y diwydiant neu faes
• dyheadau gyrfa yn y dyfodol
• ymrwymo i'r amser sydd ei angen