Diploma HNC mewn Adeiladu a’r Amgylchedd Adeiledig

Yn gryno

Mae’r cwrs wedi’i ddylunio i’r bobl hynny sydd eisiau cyfoethogi eu gwybodaeth a’u sgiliau mewn adeiladu a datblygu o fewn y diwydiant. Bydd dysgwyr yn edrych ar adeiladu a chynnal a chadw, egwyddorion dylunio, dylunio gyda chymorth cyfrifiadur, deunyddiau, gwyddoniaeth ac economeg. Mae’r pynciau hyn yn cynnwys datblygiad cynaliadwy o fewn y diwydiant adeiladu, ac yn darparu'r technegau a phrosesau diweddaraf mewn modiwlau graffig sy'n seiliedig ar brosiect.

Dyma'r cwrs i chi os...

... Rydych eisiau gyrfa ym maes arolygu, mesur meintiau, Peirianneg Sifil, Technoleg Saernïol a Rheoli Adeiladu ar lefel HNC

... Mae gennych ddiddordeb brwd mewn adeiladu

... Rydych eisiau cymhwyster a gydnabyddir yn genedlaethol

... Rydych yn gweithio'n dda o fewn astudiaethau ymarferol a damcaniaethol

Beth fyddaf yn ei wneud?

Cyflwynir y cymhwyster gan Pearson (Edexcel), ac mae'n cael ei ddarparu gan weithwyr arbenigol y diwydiant yng Nghampws Dinas Casnewydd.

Ymhlith y modiwlau mae:

• Egwyddorion Adnewyddu
• Rheoli Ymarfer Adeiladwaith
• Gwybodaeth am Adeiladwaith (yn cynnwys CAD)
• Prosiect Unigol
• BIM
• Measur
• Tendro
• Amcangyfrif

Ymhlith y prosiectau cyfredol mae dylunio a rheoli gwaith adnewyddu gwirfoddol i adeiladau a dylunio a manylion cynnal a chadw preswyl a chymorth cymunedol.

Mae'r sesiynau yn gymysgedd o ddarlithoedd, stiwdios dylunio ac arbrofi ymarferol, yn seiliedig ar sefyllfaoedd prosiect go iawn a phroblemau efelychol.

Ar ôl ei gwblhau, byddwch yn cyflawni’r Diploma HNC mewn Adeiladu a’r Amgylchedd Adeiledig. Gellir astudio cymhwyster sy'n gydnabyddedig o fewn y diwydiant Adeiladu, ac sy'n cael ei gydnabod yn broffesiynol gan ICE, ISE, CIAT, RICE, CIOB, CIBSE a CIPHE.

Mae llwybrau llawn amser, rhan amser neu brentisiaeth ar gael. 

Beth a ddisgwylir ohonof i?

Er mwyn ymuno â’r cwrs hwn, bydd arnoch angen:

• 2 Safon Uwch neu gyfwerth, neu
• BTEC Lefel 3 gyda Gradd Teilyngdod ac uwch
• Derbynnir NVQs a Diplomâu Crefft gyda lefel briodol o brofiad
• Cyfweliad gyda thiwtor i drafod sefyllfaoedd personol ac asesu’r lefel o brofiad a gyflawnwyd eisoes mewn maes cyffelyb.

Disgwylir i chi ymrwymo’n llawn i’ch astudiaethau a gallu parhau â’ch astudiaethau yn eich amser eich hun.

Beth sy'n digwydd nesaf?

Y dilyniant naturiol o’r HNC yw cwblhau’r HND, sy’n cynnwys 8 modiwl pellach a gwblheir dros amserlen debyg o 1-2 flynedd. Mae yna opsiwn i gyflawni dau fodiwl yn ystod gwyliau’r haf rhwng yr HNC a’r HND er mwyn caniatáu hyblygrwydd pellach i chi yn eich amserlenni.

Mae llwybrau HNC yn cynnwys:

• Peirianneg Sifil
• Rheoli Adeiladu
• Gwasanaethau Adeiladau
• Arolygu
• Technoleg Saernïol

Fel arall, gwneir cysylltiadau â phrifysgolion lleol a gellir cynnal trafodaethau i fynd ar drywydd graddau anrhydedd ar ôl cwblhau’r HNC yn llwyddiannus. Gellir gwneud yr un cynnig os ydych yn cwblhau’r HND.

Gwybodaeth Ychwanegol

Byddwch yn elwa o gael mynediad i liniadur er mwyn ymgyfarwyddo â’r broses o Gynllunio gyda Chymorth Cyfrifiadur.

Bydd angen i chi brynu pren mesur graddfa, pensiliau/ysgrifbinnau graffegol a deunydd ysgrifennu cyffredinol

Rydym yn cynnig yr HNC dros 1-2 flynedd, gydag 8 modiwl i’w cwblhau. Mae dyddiau astudio ar brynhawniau Mawrth ac Iau yn eich galluogi i gwblhau’r cwrs o fewn blwyddyn, ond gellir addasu ar gyfer sefyllfaoedd personoledig