City & Guilds Diploma mewn Barbro Lefel 2

Yn gryno

Mae'r sector barbro yn symud yn gyflym a bydd cyfle i ddysgu sgiliau newydd yn ystod ac ar ôl y rhaglen hyfforddi ddiddorol hon.

Dyma'r cwrs i chi os...

... Ydych chi am gael gyrfa fel barbwr

... Ydych chi'n gyfeillgar ac yn weithgar

... Ydych chi'n dwli ar waith creadigol a manw

Beth fyddaf yn ei wneud?

Mae bod yn farbwr yn dod â llawer o fanteision y bydd cynllunwyr gwallt cymwys yn sôn amdanynt wrthych. Os ydych chi'n ystyried dod yn farbwr, dyma'r prif resymau dros ei wneud:

• Gallwch fod yn greadigol
• Cwrdd â phobl newydd
• Bydd cael gyrfa mewn barbro yn rhoi cyfle i chi fod yn hyblyg gyda'ch oriau gwaith
• Byddwch yn gallu darparu amrywiaeth o wasanaethau
• Mae'n foddhaus ac yn werth chweil

Dyluniwyd ein cwrs ar gyfer pobl sydd â diddordeb gyrfaol mewn barbro, ac mae'n ddelfrydol os nad oes gennych lawer, neu ddim profiad neu sgiliau mewn barbro. Byddwn yn eich helpu i ddatblygu eich sgiliau gwasanaeth cwsmeriaid wrth ddelio â chleientiaid a sgiliau cyflogadwyedd ar gyfer pob math o swyddi.

Byddwch yn dysgu am:

• Ymgynghoriadau â chleientiaid
• Sgiliau derbynfa
• Defnyddio siampŵ
• Chwythu sych
• Torri gwallt a barfau sylfaenol

Bydd disgwyl i chi fynychu lleoliad gwaith yn ystod y flwyddyn academaidd, naill ai'n wythnosol neu fesul bloc. Gellir trefnu hyn naill ai’n annibynnol neu bydd eich tiwtoriaid yn eich cefnogi i ddod o hyd i leoliad addas.

Cyflwynir y cwrs drwy:

• Ddosbarthiadau theori
• Gweithdai ymarferol
• Amgylcheddau salon go iawn yn y coleg
• Sesiynau masnachol
• Arddangosiadau
• Gwaith grŵp
• Lleoliad gwaith
• Gweithgareddau cyfoethogi megis teithiau, ymweliadau, siaradwyr gwadd ac arddangosiadau allanol.

Byddwch yn cael eich asesu drwy asesiadau ymarferol, aseiniadau, prosiectau a phrofion amlddewis ar-lein a fydd yn tanategu gwybodaeth greiddiol. Ar ôl ei gwblhau, byddwch yn ennill:

• VRQ Lefel 2 mewn Barbro
• Y cymwysterau ategol priodol i ehangu eich set sgiliau a chwrdd ag anghenion y diwydiant
• Gweithgareddau Sgiliau
• Mathemateg a Saesneg
• Sgiliau Cyfoethogi Creadigol (gweithgareddau ac arddangosiadau cymunedol)

Beth a ddisgwylir ohonof i?

Bydd angen i chi fod yn hunan-gymhellol, yn weithgar, yn gyfeillgar a meddu ar lefel uchel o gyflwyniad personol. Bydd disgwyl i chi fynychu lleoliad gwaith yn ystod y flwyddyn academaidd. Bydd yr holl ddarpariaeth yn cymryd lle ar y campws a bydd un noson yr wythnos pan fyddwch yn y coleg tan yn hwyr. Presenoldeb a phrydlondeb ar gyfer pob sesiwn yw un o brif ofynion y cwrs hwn.

Beth sy'n digwydd nesaf?

NVQ Lefel 2 mewn Barbro neu gyflogaeth ar lefel prentis iau

Gwybodaeth Ychwanegol

Cod Gwisg:

• Rhaid gwisgo tiwnig gyda throwsus esgidiau duon mewn salonau
• Rhaid clymu gwallt yn daclus yn ôl ac i ffwrdd o’r wyneb
• Ni ddylid gwisgo unrhyw estyniadau ewinedd a farnais
• Dim tyllu: dim ond modrwy briodas y caniateir ei gwisgo yn y salon

Fel amod o’ch lle ar y cwrs hwn, bydd disgwyl i chi brynu'r offer priodol oddi wrth ein cyflenwr cymeradwy, a fydd yn costio tua £200.

I adlewyrchu disgwyliadau'r diwydiant, bydd gofyn i chi wisgo tiwnig salon Coleg Gwent y gellir ei harchebu oddi wrth ein cyflenwr cymeradwy. Mae manylion ar sut i archebu'ch tiwnig a'ch offer, ynghyd ag opsiynau i dalu’r cyflenwr, ar gael oddi wrth eich Pennaeth Ysgol, Darlithydd neu Dechnegydd. Pris y diwnig ar gyfer 2024/2025 yw £45.