CITB Cynllun Hyfforddiant Diogelwch Rheoli Safle (SMSTS)

Yn gryno

Os ydych chi'n gyfrifol am iechyd a diogelwch pawb sydd ar y safle, gallai'r cwrs hwn fod yn hynod werthfawr. Mae'n rhoi arweiniad i chi ar sicrhau bod yr holl weithrediadau yn cael eu rhoi ar waith yn unol â deddfwriaeth gyfredol, ac mae'n edrych ar atebolrwydd ar gyfer iechyd, diogelwch a lles gweithwyr sy'n gweithio ar y safle.

Mae'r cwrs hwn ar gyfer...

...rhai sydd eisiau sicrhau bod ganddynt yr wybodaeth ddiweddaraf ynghylch y ddeddfwriaeth bresennol ac arferion gweithio diogel o fewn y diwydiannau amgylchedd adeiledig ac adeiladwaith

...unrhyw un sydd wedi ymgymryd â chyfrifoldebau goruchwylio, neu a fydd yn gwneud hynny

...datblygu dealltwriaeth o'ch cyfrifoldebau cyfreithiol sy'n berthnasol i weithgareddau eich gwaith

...rhai sydd yn awyddus i symud ymlaen o'r Cynllun Hyfforddiant Diogelwch Goruchwyliwr Safle (SSSTS)

Cynnwys y cwrs

Bydd y cwrs 5 diwrnod hwn yn ymdrin â'r pynciau canlynol:

• Deddf Iechyd a Diogelwch yn y Gwaith
• Rheoliadau Dylunio a Rheoli Adeiladu 2015
• Gosodiad y safle
• Asesiadau risg a datganiadau dull
• Gweithio o Uchder
• Sgaffaldwaith
• Trydan
• Gwaith cloddio
• Dymchwel
• Gweithio mewn llefydd cyfyng
• Newidiadau diweddar mewn arferion gwaith derbyniol

Byddwch yn cael eich asesu ar eich cyfranogiad drwy gydol y cwrs, gan gynnwys tasgau grŵp ac arholiad 25 cwestiwn gyda chwestiynau aml-ddewis ac atebion ysgrifenedig byr.

Mae mynychu'r 5 diwrnod yn llawn yn orfodol.

Wedi i chi ei gwblhau'n llwyddiannus byddwch yn derbyn tystysgrif sy'n ddilys am 5 blynedd.

Gofynion Mynediad

Nid oes gofynion mynediad ffurfiol, fodd bynnag, dylai mynychwyr fod yn dal, neu bod ar fin dal rôl rheolwr safle. Byddai gwybodaeth am Iechyd a Diogelwch blaenorol yn fanteisiol.

Argymhellir y dylai'r rhai sydd heb fod â phrofiad mewn iechyd a diogelwch gwblhau'r Cynllun Hyfforddiant Diogelwch Goruchwylio Safle (SSSTS) cyn ymgymryd â'r cwrs Rheoli.

Mae'n rhaid i fynychwyr fod yn rhugl o ran Saesneg ysgrifenedig ac ar lafar ar gyfer gweithredu'n effeithlon ar lefel rheoli safle.

Gwybodaeth Ychwanegol

Cwrs sylfaenol y cwrs hwn yw £650.

Mae’r cwrs hwn ar gael fel rhan o Gyfrif Dysgu Personol (PLA). Mae PLA yn fenter gan Lywodraeth Cymru sy’n cynnig cyfle i bobl gael mynediad at gyrsiau rhan-amser, rhad ac am ddim sydd â ffyrdd hyblyg a chyfleus o ddysgu sy’n addas i’w ffordd o fyw bresennol (yn amodol ar gymhwysedd). ... unrhyw un dros 19 oed, sy'n byw yng Nghymru, sy’n gweithio, ac yn ennill llai na £30,596 y flwyddyn ac sy'n dymuno gwneud cais am y cwrs hwn fel rhan o'r fenter PLA, os gwelwch yn dda ymweld a'n wefan PLA.