EAL Diploma NVQ mewn Cynnal a Chadw a Gosodiadau Peirianneg Lefel 2

Yn gryno

Datblygwyd y cymhwyster hwn i alluogi dysgwyr i ddangos cymhwysedd yn eu galwedigaeth cynnal a chadw peirianneg. Mae'r cymhwyster yn berthnasol i amrywiaeth eang o waith cynnal a chadw peirianneg a/neu waith gosod o fewn y sector, yn dibynnu ar y llwybr a ddewiswyd. Rydym yn arbenigo mewn Cynnal a Chadw Mecanyddol.

Dyma'r cwrs i chi os...

I'r rhai sy'n gweithio yn y maes cynnal a chadw peirianneg a/neu alwedigaethau gosod o fewn y sector.

Beth a ddisgwylir ohonof i?

Mae hwn yn Gymhwyster Galwedigaethol Cenedlaethol (NVQ). Mae'n cynnwys y sgiliau a'r wybodaeth sydd eu hangen ar gyfer galwedigaethau mewn cynnal a chadw peirianneg gan gynnwys y gallu i drefnu gwaith a nodi ac atal problemau.

Rhaid i'r dysgwr gyflwyno tystiolaeth (wedi'i chofnodi mewn portffolio) sy'n dangos yn glir eu bod wedi bodloni meini prawf asesu a deilliannau dysgu'r unedau a ddewiswyd. Rhaid i'r dysgwr gyflawni'r unedau gorfodol a dewisol sy'n berthnasol i'w llwybr a’u rôl alwedigaethol.

Gwybodaeth Ychwanegol

Cyflwynir y cymhwyster hwn yn y gweithle ac nid ar gampws i unigolion ei fynychu. Cytunir ar ddyddiadau darparu ymlaen llaw gyda chi a'ch cyflogwr.

Mae'r cymhwyster hwn yn cynnwys 7 uned. Gall gymryd rhwng 7 a 14 mis i'w gwblhau. Gall dysgwyr ei gwblhau yn ôl eu pwysau eu hunain ond bydd ein tîm o aseswyr yn rhoi cynllun cychwynnol ar waith i gwblhau uned bob mis ac mae'n bosib ei gwblhau'n gynt. Bydd cyhoeddi dyfynbris ffurfiol yn cael ei baratoi unwaith y byddwn yn deall eich anghenion hyfforddi ond, fel canllaw, rydym yn codi £500 y person ynghyd â ffioedd ychwanegol ar gyfer cofrestru gyda chorff corff dyfarnu (tua £80).