BTEC Diploma mewn Gwyddoniaeth Gymhwysol Lefel 2

Yn gryno

Mae’r cwrs hwn yn ddelfrydol i chi os ydych yn meddu ar ddiddordeb mewn gwyddoniaeth. Mae Gwyddoniaeth Gymhwysol Lefel 2 yn cwmpasu'r tair gwyddor, gan gyfleu gwybodaeth wyddonol sydd yn flaengar ac yn gyfoes. Bydd yn eich cyflwyno i waith yn y sector a'ch paratoi ar gyfer astudio ymhellach.

Dyma'r cwrs i chi os...

...Oes gennych chi ddiddordeb mewn gwyddoniaeth

...Ydych chi'n dymuno datblygu eich dealltwriaeth ymhellach

...Ydych chi am gael arddull dysgu ymarferol

Beth fyddaf yn ei wneud?

Mae'r cwrs yn cwmpasu gwyddoniaeth yn y gweithle a rolau'r technegydd a'r ymchwilydd gwyddonol. Byddwch yn astudio wyth uned orfodol y mae dau ohonynt yn cynnwys arholiadau:-

• Egwyddorion Gwyddoniaeth (dan arholiad)
• Cemeg a'r ddaear
• Egni a'r bydysawd
• Bioleg a'r amgylchedd
• Cymwysiadau sylweddau cemegol
• Cymwysiadau gwyddoniaeth ffisegol
• Cymwysiadau gwyddoniaeth o ran lles
• Sgiliau gwyddonol (dan arholiad)

Mae'r cyfuniad hwn yn sicrhau eich bod yn astudio cysyniadau allweddol bioleg, cemeg a ffiseg ynghyd â dysgu am weithleoedd y galwedigaethau sy'n seiliedig ar wyddoniaeth.

Datblygir y cysyniadau allweddol hyn ymhellach yn yr unedau arbenigol dewisol y gellir eu trosglwyddo i sectorau cyflogaeth megis gofal, gwyddor chwaraeon, gwyddoniaeth fforensig a'r diwydiant maeth. Mae'r unedau hyn yn cynnwys:

• Y Corff Byw
• Ymchwilio i Safle Trosedd
• Dadansoddi a Chanfod Cemegol
• Archwilio Ein Bydysawd

Bydd disgwyl i chi ailsefyll TGAU Mathemateg a Saesneg er mwyn ennill gradd C ar gyfer cyrsiau lefel uwch (os yn angenrheidiol).

Byddwch yn ennill y cymwysterau canlynol:

• Gwyddoniaeth Gymhwysol Lefel 2
• Gweithgareddau i Ddatblygu Sgiliau Trosglwyddadwy
• Mathemateg a Saesneg

Beth a ddisgwylir ohonof i?

I gofrestru, bydd angen o leiaf 4 TGAU gradd D neu'n uwch arnoch, gan gynnwys pwnc gwyddoniaeth a naill ai Mathemateg/Rhifedd neu Saesneg/Cymraeg Iaith Gyntaf.

Rhaid i chi feddu ar ddiddordeb mewn gwyddoniaeth a'r brwdfrydedd a’r ysgogiad i ddatblygu eich sgiliau ymarferol a dadansoddol, yn ogystal ag ymwybyddiaeth o iechyd a diogelwch. Mae ymrwymiad llawn i bresenoldeb yn ofyniad. Parch tuag at eraill, brwdfrydedd dros y pwnc a hunan-ysgogiad yw'r rhinweddau yr ydym yn disgwyl eu gweld ym mhob un o'n dysgwyr. Disgwylir i chi barhau â'ch astudiaethau a gwaith cwrs yn ystod eich amser eich hun.

Beth sy'n digwydd nesaf?

Diploma Estynedig BTEC mewn Gwyddoniaeth Gymhwysol (Lefel 3) neu Iechyd a Gofal Cymdeithasol neu Astudiaethau Iechyd (Lefel 3).