City & Guilds Diploma mewn Trwsio Cerbydau ar ôl Damwain - (Egwyddorion Paentio) Lefel 3

Yn gryno

Mae’r cwrs hwn yn gosod sylfaen ar gyfer Gweithrediadau Ailorffen Cerbydau er mwyn rhoi cychwyn cadarn i chi yn y diwydiant.

Dyma'r cwrs i chi os...

... Rydych chi wedi cwblhau’r cwrs Atgyweirio Damweiniau (Egwyddorion Paent) Lefel 2

... Rydych chi’n meddu ar brofiad yn y diwydiant Ailorffen Cerbydau

... Hoffech chi ehangu eich sgiliau a’ch gwybodaeth

Beth fyddaf yn ei wneud?

Mae’r cwrs hwn yn ddilyniant i’r cwrs amser llawn Atgyweirio Damweiniau (Egwyddorion Paent) Lefel 2 ac mae’n canolbwyntio ar 3 phrif uned:

• Paru lliw paent cerbyd
• Gweithrediadau ailorffen prif haen cerbyd
• Namau paent uwch

Cyflwynir y cwrs hwn trwy gyfuniad o’r canlynol:

• Arddangosiadau ymarferol
• Tasgau gweithio realistig
• Darlithoedd i ddatblygu gwybodaeth sylfaenol
• Gwaith aseiniad

Cewch eich asesu drwy asesiadau ymarferol ac asesiadau ar-lein, cwestiynau llafar a chwestiynau ysgrifenedig ac, ar ôl cwblhau’r cwrs, byddwch chi’n ennill:

• Cymhwyster Atgyweirio Damweiniau Lefel 3 (Egwyddorion Paent)
• Cymwysterau atodol perthnasol i ehangu eich set sgiliau a bodloni gofynion y diwydiant
• Gweithgareddau Sgiliau
• Mathemateg a Saesneg

Beth a ddisgwylir ohonof i?

• Cwblhau cymhwyster Atgyweirio Damweiniau (Egwyddorion Paent) Lefel 2
• 4 TGAU gradd D neu uwch, i gynnwys Mathemateg, Saesneg a Gwyddoniaeth (neu Cymraeg fel iaith gyntaf)

Beth sy'n digwydd nesaf?

Cyflogaeth yn y diwydiant modurol neu brentisiaeth mewn Atgyweirio Cyrff Cerbydau.

Gwybodaeth Ychwanegol

Bydd angen Cyfarpar Diogelu Personol arnoch chi megis esgidiau a throswisg, ar gost o oddeutu £40.00. Hefyd, bydd angen eich deunydd ysgrifennu eich hun arnoch chi.