IMI Diploma Estynedig mewn Egwyddorion Cynnal a Chadw a Thrwsio Cerbydau Ysgafn Lefel 2

Yn gryno

O fewn y cwrs hwn, ceir cipolwg trylwyr a dynamig ar y dechnoleg gymhleth, y gwaith cynnal a chadw ac atgyweirio sy’n ymwneud â cherbydau modur.

Mae gan y cwrs hwn unedau ychwanegol, o’i gymharu â’r cymhwyster Diploma Lefel 2, i gynorthwyo'r ymgeiswyr hynny sy'n anelu at Addysg Uwch neu Brentisiaethau Lefel Uwch.

Os byddwch yn mynd yn eich blaen i wneud prentisiaeth mewn cerbydau modur, byddwch yn cwblhau’r elfen ddamcaniaethol sydd ei hangen i wneud hynny drwy’r cwrs hwn.

Dyma'r cwrs i chi os...

... Rydych eisiau astudio ar lefel gradd ar gyfer gyrfaoedd megis Peiriannydd Modurol

... Rydych eisiau dod yn dechnegydd diagnostig/uwch dechnegydd medrus

... Rydych yn gweithio’n galed ac yn datrys problemau’n dda.

... Rydych eisiau cyfuniad o astudio ymarferol a damcaniaethol

... Rydych yn gallu datrys problemau ac mae gennych ddiddordeb brwd mewn cerbydau

...Rydych chi eisiau gweithio i safonau proffesiynol uchel a'u cynnal

Beth fyddaf yn ei wneud?

Byddwch yn astudio'r unedau technoleg cerbydau canlynol fel rhan o’ch astudiaethau:

• Gwaith cynnal a chadw cerbydau arferol
• Technoleg injan cerbydau ysgafn
• Systemau trydanol ac electronig cerbydau
• Technoleg fframiau cerbydau ysgafn
• Archwiliadau cerbydau
• Systemau trawsyriant cerbydau ysgafn

Byddwch hefyd yn astudio'r unedau uwch canlynol, sy’n ychwanegol at unedau'r Diploma Lefel 2 uchod:

• Mathemateg Cerbydau
• Gwyddoniaeth Cerbydau
• Electroneg Cerbydau
• TGCh Cerbydau

Byddwch yn cael eich asesu drwy dasgau ac arsylwadau profi gallu ymarferol, aseiniadau ysgrifenedig a phrofion ar-lein.

Drwy gwblhau'r cwrs, byddwch yn cyflawni:

• Diploma Estynedig mewn Cynnal a Chadw ac Atgyweirio Cerbydau Lefel 2, Sefydliad y Diwydiant Moduron (IMI)
• Cymwysterau ategol priodol er mwyn ehangu eich set sgiliau a bodloni anghenion y diwydiant
• Gweithgareddau Sgiliau (fel rhan o’r Her Tystysgrif Sgiliau)

Beth a ddisgwylir ohonof i?

Mae ymrwymiad llawn i bresenoldeb yn hanfodol, yn ogystal â'r gallu i weithio'n annibynnol ac fel rhan o dîm. Dylech hefyd fod yn awyddus iawn i weithio yn y diwydiant cerbydau modur, cydymffurfio ag ethos y coleg a bod yn barod i wella eich lefel o wybodaeth am bynciau academaidd.

Beth sy'n digwydd nesaf?

• Diploma Lefel 3/Diploma Estynedig Lefel 3 mewn Cynnal a Chadw ac Atgyweirio Cerbydau Ysgafn
• HNC Peirianneg Fodurol
• Cyflogaeth
• Prentisiaeth
• Astudiaeth lefel uwch yn y brifysgol

Gwybodaeth Ychwanegol

Bydd angen ichi brynu Cyfarpar Diogelu Personol priodol, fel esgidiau ac oferôls, a fydd yn costio oddeutu £40.00. Hefyd, bydd angen ichi ddarparu eich defnyddiau ysgrifennu a’ch ffolderi eich hun.