UAL Diploma mewn Cynhyrchu a Thechnoleg Cyfryngau Creadigol Lefel 2

Yn gryno

Mae'r cwrs hwn yn gyflwyniad i amrywiaeth o sgiliau sy'n ofynnol gan y diwydiannau creadigol, a bydd modd i chi loywi eich sgiliau creadigol ar gyfer y llwybr creadigol o'ch dewis o fewn meysydd y cyfryngau a ffotograffiaeth.

Dyma'r cwrs i chi os...

... Ydych chi'n greadigol

... Oes gennych chi ddiddordeb mewn gyrfa yn niwydiannau'r cyfryngau neu ffotograffiaeth

... Ydych chi’n weithgar ac yn hunan-gymhellol

Beth fyddaf yn ei wneud?

Beth fydda i yn ei wneud?

Mae'r cwrs hwn yn addas i unrhyw un sydd am weithio mewn swydd greadigol sydd yn cynnwys technoleg, ac sydd am symud ymlaen i gwrs Lefel 3 mewn maes pwnc cysylltiedig (e.e. y cyfryngau creadigol, dylunio gemau, celf a dylunio neu ffotograffiaeth).

Byddwch yn datblygu eich dealltwriaeth a'ch galluoedd ymarferol mewn amrywiaeth o brosesau a mathau o feddalwedd, gan gwblhau ystod o aseiniadau ymarferol. Byddwch yn gweithio'n annibynnol ac fel rhan o dîm ar aseiniadau ymarferol.

Byddwch yn cael mynediad at y cyfrifiaduron diweddaraf (gan gynnwys Apple Mac) a meddalwedd Adobe Creative Cloud, yn ogystal â chyfleusterau cyfoes o safon ardderchog.

Byddwch yn astudio cyfanswm o 8 uned:

• Uned 1: Cyflwyniad i ddulliau a sgiliau yn y cyfryngau creadigol
• Uned 2: Cyflwyniad i ddulliau cynhyrchu yn y cyfryngau creadigol
• Uned 3: Deall y gynulleidfa wrth gynhyrchu ym maes y cyfryngau cymdeithasol
• Uned 4: Ymchwil cyd-destunol ar gyfer cynhyrchu ym maes y cyfryngau creadigol
• Uned 5: Archwilio cynhyrchu a thechnoleg sain
• Uned 6: Archwilio cynhyrchu a thechnoleg weledol
• Uned 7: Archwilio cynhyrchu a thechnoleg yn y cyfryngau rhyngweithiol
• Uned 8: Prosiect personol a chyflwyniad ar gynhyrchu yn y cyfryngau creadigol

Nid oes angen sefyll arholiadau, ond caiff pob aseiniad ei gymedroli dair gwaith y flwyddyn.

Fe'ch asesir drwy ymchwil a dadansoddi, gwaith ysgrifenedig, dylunio creadigol, y defnydd o dechnoleg, datrys problemau a gwerthuso. Ar gwblhau, byddwch yn ennill:

• Cymhwyster UAL Lefel 2 mewn Cynhyrchu a Thechnoleg y Cyfryngau (Y Cyfryngau a Ffotograffiaeth)
• Cymwysterau ategol priodol i ehangu eich set sgiliau a bodloni anghenion y diwydiant
• Gweithgareddau Sgiliau
• Mathemateg a Saesneg

Beth a ddisgwylir ohonof i?

I gofrestru, bydd angen o leiaf 4 TGAU Gradd D neu'n uwch arnoch, gan gynnwys naill ai Mathemateg/Rhifedd Mathemateg neu Saesneg/Cymraeg Iaith Gyntaf neu gymhwyster Diploma Lefel 1 addas yn y maes galwedigaethol perthnasol.

Dylech fod yn gallu datblygu syniadau creadigol a bod yn fodlon i fynd ati i archwilio ystod eang o brosesau technolegol. Mae ymrwymiad llawn i bresenoldeb yn ofynnol, yn ogystal â pharch tuag at eraill, brwdfrydedd dros y pwnc, hunan-gymhelliant ac angerdd am y pwnc. Disgwylir hefyd i chi barhau â'ch astudiaethau a'ch gwaith cwrs yn annibynnol yn ystod eich amser eich hun.

Beth sy'n digwydd nesaf?

Ystod o Ddiplomâu Estynedig Lefel 3 Creadigol megis BTEC Lefel 3 mewn Cynhyrchu Cyfryngau Creadigol, UAL Lefel 3 mewn Ffotograffiaeth.

Bydd cwblhau Diploma Estynedig ar Lefel 3 yn eich galluogi i symud ymlaen i gyrsiau addysg uwch a phrifysgol.

Gwybodaeth Ychwanegol

Yn Crosskeys, bydd modd i chi astudio yn ein cyfleusterau o'r radd flaenaf sy'n cynnwys:

• Ystafell sgrin werdd i recordio golygfeydd ar gyfer ffilmiau a theledu
• Ystafelloedd sain ar gyfer recordio cerddoriaeth, effeithiau sain a throsleisio
• Gofod celf pwrpasol ar gyfer lluniadu a chreu cynhyrchion
• Stiwdio ffotograffiaeth broffesiynol
• Cyfleusterau ystafell dywyll
• Y defnydd o gamerâu ac offer eraill drwy gydol eich cwrs