Gradd Sylfaen mewn Gwyddor Biofeddygol

Yn gryno

Gradd Sylfaen mewn Gwyddor Biofeddygol (mewn Cydweithrediad â Phrifysgol Metropolitan Caerdydd)

Nod y rhaglen dwy flynedd amser llawn hon, sy’n seiliedig ar ymchwil, yw datblygu dealltwriaeth myfyrwyr o achosion, dadansoddiad labordy, diagnosis, monitro a thrin clefydau dynol; sy’n galluogi myfyrwyr i ddatblygu, integreiddio a chymhwyso eu gwybodaeth a’u sgiliau gwyddonol i’r ymchwiliad amlddisgyblaethol i iechyd ac afiechyd dynol; sy’n datblygu sgiliau dadansoddol, ymarferol, rhifedd, ymchwil, datrys problemau, cyfathrebu, menter, myfyriol a beirniadol myfyrwyr, ac sy’n datblygu eu galluoedd, eu gwybodaeth a’u cyfleoedd cyflogadwyedd i fanteisio i’r eithaf ar eu hastudiaethau israddedig.

Dyma'r cwrs i chi os...

Mae gennych ddiddordeb mewn gyrfa yn y Gwyddorau Biofeddygol mewn amrywiaeth o sefydliadau fel y GIG, y llywodraeth a labordai preifat, gan gynnwys ysbytai, gwasanaethau Gwaed a Thrawsblaniadau’r GIG a labordai Asiantaeth Diogelwch Iechyd y DU. Gall gwyddonwyr biofeddygol symud ymlaen i rolau eraill ym maes gwyddor gofal iechyd gan arbenigo mewn ansawdd, diogelwch, rheoli labordy, neu yn y sector fferyllol a gwyddor gofal iechyd ehangach.

Beth fyddaf yn ei wneud?

Blwyddyn Un (Lefel 4): bydd myfyrwyr yn ymdrin â biocemeg sylfaenol, bioleg celloedd a geneteg, microbioleg, imiwnoleg, a ffisioleg ddynol, gan ddarparu’r wybodaeth wyddonol angenrheidiol ar gyfer astudiaeth bellach. Yn ogystal, bydd myfyrwyr yn 

datblygu sgiliau dadansoddi, cyfathrebu a datblygiad personol perthnasol. 

 Blwyddyn Dau (Lefel 5): bydd myfyrwyr yn ennill arbenigedd mewn amrywiaeth o dechnegau ymchwilio, epidemioleg a dadansoddi data a dulliau ymchwil. Bydd perthnasedd y gwyddorau biofeddygol i arferion clinigol hefyd yn ffocws, gyda gwyddorau gwaed a chellog, microbioleg feddygol, meysydd imiwnoleg mwy datblygedig, bioleg foleciwlaidd a ffisioleg (gan gynnwys ffarmacoleg a thocsicoleg) yn cael eu harchwilio. 

Mae strwythur cynyddol y cwricwlwm wedi'i gynllunio'n benodol i feithrin sgiliau myfyrwyr wrth iddynt symud ymlaen ac i ryng-gysylltu'r cynnwys a'r sgiliau a enillir o bob modiwl i greu profiad dysgu cyfannol ond heriol.

Mae amrywiaeth o ddulliau addysgu a dysgu, strategaethau a dulliau asesu wedi cael eu dewis yn ofalus i ddarparu profiad dysgu heriol a chyfoethog. Dyluniwyd y strategaethau hyn i hwyluso datblygiad blaengar a chydlynol o alluoedd academaidd a chymwyseddau myfyrwyr mewn labordy.  

Mae modiwlau yn cynnwys:

Blwyddyn 1 (Lefel 4)

• Datblygiad Proffesiynol a Rhyngbroffesiynol 1
• Anatomeg a Ffisioleg
• Sgiliau Labordy a Dadansoddi Data
• Biocemeg
  • Bioleg Celloedd a Geneteg
  • Haint ac Imiwnedd 1

  Blwyddyn 2 (Lefel 5)

  • Datblygiad Proffesiynol a Rhyngbroffesiynol 2
  • Gwyddorau Gwaed a Chellog
  • Haint ac Imiwnedd 2
  • Bioleg Foleciwlaidd a Geneteg
  • Ymchwil Ddadansoddol a Dulliau Diagnostig
  • Ffisioleg, Ffarmacoleg a Thocsicoleg

Beth a ddisgwylir ohonof i?

Bydd myfyrwyr yn cael eu hannog i ymgymryd â dysgu annibynnol i ategu ac atgyfnerthu eu gwybodaeth a'u dealltwriaeth. Bydd y rhaglen yn cynnig cyfleoedd rheolaidd i fyfyrwyr adolygu eu cynnydd personol ac yn annog myfyrwyr i fod yn gyfrifol am gynllunio a gweithredu dysgu a reolir eu hunain.

Beth sy'n digwydd nesaf?

Ar ôl cwblhau L5 (Blwyddyn 2) yn llwyddiannus, byddwch yn derbyn tystysgrif mewn AU. Byddwch yn cael cyfle i wneud cais am y cwrs gradd L6 (Blwyddyn 3) mewn Gwyddoniaeth Fiofeddygol (neu gyrsiau perthnasol eraill) ym Mhrifysgol Metropolitan Caerdydd, neu ddarparwyr Addysg Uwch eraill.

Gwybodaeth Ychwanegol

Ar ôl cwblhau’r rhaglen Gradd Sylfaen mewn Gwyddor Fiofeddygol yn llwyddiannus, dylai myfyrwyr allu:

Dangos gwybodaeth a dealltwriaeth o anatomeg a ffisioleg, biocemeg, geneteg, 

1. bioleg celloedd a moleciwlaidd, microbioleg ac imiwnoleg sy'n gysylltiedig ag iechyd a chlefyd dynol.  
2. Dangos dealltwriaeth o ddatblygiad a bioleg clefyd ar lefel cellog, biocemegol a moleciwlaidd.
3. Esbonio rhesymeg ac egwyddorion dulliau dadansoddi ansoddol a meintiol a ddefnyddir wrth ymchwilio’n wyddonol i glefydau, gan gynnwys dilysu a dehongli canlyniadau.  
4. Dangos dealltwriaeth o natur a rôl dull gwyddonol, dylunio ymchwil a dadansoddi data.  
5. Gwerthfawrogi cyfraniad y gwyddorau biofeddygol ar hyn o bryd ac yn y dyfodol at ofal iechyd, gwyddoniaeth fodern a'r gymdeithas ehangach.  
6. Cyflawni tasgau labordy gan roi sylw dyledus i asesu risg a rheoliadau iechyd a diogelwch cyfredol.  
7. Dewis a defnyddio amrywiaeth o offer labordy a thechnegau dadansoddi priodol.  
8. Cofnodi a chynnal cofnodion cywir o ymchwiliadau labordy.  
9. Cynnal tasgau perthnasol i gasglu, coladu, dehongli a gwerthuso data gwyddonol perthnasol.  
10. Paratoi adroddiadau gwyddonol â chyfeiriadau addas