YMCA Tystysgrif mewn Rhaglennu Gweithgarwch Corfforol i Unigolion â Phoen Meingefn Lefel 4

Yn gryno

Nod y cymhwyster hwn yw rhoi’r wybodaeth a’r sgiliau priodol i’r dysgwr ddylunio, darparu, monitro a gwerthuso rhaglenni gweithgarwch corfforol unigol wedi’u strwythuro ar gyfer oedolion sydd â phoen meingefn, yn unol â chanllawiau cyfredol sy’n seiliedig ar dystiolaeth.

Dyma'r cwrs i chi os...

• Hyfforddwyr Ymarfer Corff Lefel 3 sy’n dymuno bod yn Hyfforddwr Ymarfer Corff Arbenigol Lefel 4 gyda’r gallu i ddylunio, darparu, monitro a gwerthuso rhaglenni gweithgarwch corfforol unigol wedi’u strwythuro ar gyfer oedolion sydd â phoen meingefn
• Y rhai sy’n dymuno defnyddio’r cymhwyster fel llwyfan ar gyfer symud ymlaen i ddysgu pellach (gweler ‘Beth sy’n dod nesaf’ isod

Beth fyddaf yn ei wneud?

Bydd y dysgwyr yn ymdrin â’r canlynol:

Gwybodaeth a dealltwriaeth sy’n ymwneud â’r cymhwyster:

• epidemioleg poen meingefn
• risgiau a ffactorau achosol sy'n gysylltiedig â datblygu poen meingefn
• canllawiau cenedlaethol ar gyfer trin a rheoli poen meingefn

gwrtharwyddion ac ystyriaethau seicogymdeithasol wrth gynllunio gweithgareddau corfforol ar gyfer y cleient 

• gyda phoen meingefn (pennu lefel risg)

Sgiliau sy’n ymwneud â’r cymhwyster:

• dulliau goddrychol a gwrthrychol o gasglu digon o wybodaeth i gynllunio rhaglenni gweithgarwch corfforol diogel ac effeithiol ar gyfer unigolion â phoen meingefn
• sut i ddewis gweithgareddau corfforol diogel ac effeithiol sy'n benodol i statws iechyd y cleient, lefel risg, anghenion a galluoedd
• defnydd effeithiol o haenu / ciwio haenog mewn rhaglenni gweithgarwch corfforol cynyddol ar gyfer unigolion â phoen meingefn
  • amrywiaeth o ddulliau wedi'u dilysu a ddefnyddir i fonitro, adolygu ac addasu rhaglenni gweithgarwch corfforol ar gyfer unigolion â phoen meingefn
  • cyngor ynghylch ffordd o fyw, gofal cartref, ymarfer corff, sy’n addas ar gyfer yr unigolyn sydd â phoen meingefn

Beth a ddisgwylir ohonof i?

Mae’r cymhwyster hwn yn addas i’r rheini sy’n 16 oed a hŷn. Mae cymwysterau a phrofiad hanfodol yn cynnwys:

• Cymhwyster Cyfeirio Ymarfer Corff Lefel 3, NEU, wedi cyflawni Cymhwyster Hyfforddwr Ymarfer Corff Arbenigol Lefel 4 cyn mis Medi 2011 yn ogystal â chyflawni cymhwyster ffitrwydd Lefel 3
• 150 awr o ymarfer proffesiynol perthnasol ar Lefel 3 mewn dylunio, darparu, monitro, addasu a theilwra rhaglenni ymarfer corff ar gyfer unigolion yn ystod y ddwy flynedd flaenorol ac o leiaf chwe mis o brofiad ers cymhwyso (gyda thystiolaeth o hynny mewn CV a geirda).

Beth sy'n digwydd nesaf?

Posibiliadau cyflogaeth yn y dyfodol   Gall y cymhwyster hwn arwain at rôl uwch fel Hyfforddwr Ymarfer Corff Arbenigol (Poen Meingefn) yn y sector hamdden egnïol; mae potensial cyflogaeth hefyd yn y sector iechyd, er enghraifft fel Hyfforddwr Technegol yn y GIG. Symud ymlaen i ddysgu pellach/lefel uwch  Mae’r cymhwyster hwn yn darparu dilyniant i gymwysterau eraill, er enghraifft:

• Tystysgrif Lefel 4 mewn Rheoli Pwysau ar gyfer Unigolion â Gordewdra, Diabetes Mellitus a/neu Syndrom Metabolig
• Unrhyw gymwysterau lefel 4 ar gyfer hyfforddwyr ymarfer corff arbenigol