Adobe Photoshop

Yn gryno

Dewch i ddysgu sut i ddefnyddio Adobe Photoshop a’i lawer o swyddogaethau er mwyn creu cynnwys cyffrous i’w ddefnyddio ar wefannau, y cyfryngau cymdeithasol a llawer mwy.

Mae'r cwrs hwn ar gyfer...

...pawb - Nid yw Photoshop ar gyfer ffotograffwyr yn unig!

...unrhyw un sydd â diddordeb mewn creu eu lluniau eu hun o’r newydd ac addasu ffotograffau

...unrhyw un sydd eisiau cael gwybod beth yw Photoshop a sut i’w ddefnyddio

Cynnwys y cwrs

Mae sgiliau Photoshop yn gynyddol ddefnyddiol mewn amrywiaeth o swyddi, a bydd y cwrs hwn yn sicrhau eich bod yn gallu golygu ac addasu ffotograffau yn effeithiol, a chreu delweddau deniadol eich hun gartref neu yn y gwaith. Maen nhw’n sgiliau defnyddiol os ydych yn bwriadu gwella eich CV. 

Bydd pob sesiwn 2 awr yn cyflwyno amrywiaeth o nodweddion Photoshop a’r technegau i’w defnyddio. Yna bydd tasg yn y dosbarth gan ddefnyddio’r dechneg hon, er mwyn cael deilliant ymarferol gyda chymorth gan diwtoriaid unigol.

Bydd pob delwedd yn cael ei chyflenwi i’w defnyddio yn y dosbarth, ond fe fyddwch chi’n cael eich annog i ddod â’ch lluniau eich hun hefyd. Argymhellir eich bod yn dod â ffon USB neu yriant caled symudol i arbed eich delweddau gorffenedig a mynd â nhw gartref. 

Gall y cwrs hwn gynnwys

• Cyflwyniad i ryngwyneb Adobe Photoshop
• Fformatau ffeiliau lluniau
• Y pecyn cymorth
• Archwilio’r oriel hidlwyr
• Brwshys a sut i greu un eich hun
• Camau Gweithredu a Dethol
• Cywiro a mireinio delweddau
• Gweithio gyda haenau a masgiau
• Testun
• Arbed i’w ddefnyddio ar-lein
• Animeiddiadau cyflym
• Torri, newid maint a chopïo

Does dim asesiad ffurfiol yn rhan o’r cwrs.

Gofynion Mynediad

Bydd disgwyl i chi gael gwybodaeth sylfaenol o gyfrifiaduron er mwyn cofrestru ar gyfer y cwrs.

Gwybodaeth Ychwanegol

Does dim angen i chi fod ag unrhyw wybodaeth flaenorol o Adobe Photoshop gan fod y cwrs 10 wythnos hwn yn dechrau o’r dechrau. Erbyn diwedd y cwrs, bydd gennych ddealltwriaeth dda o dechnegau a phrosesau Photoshop.