IMI Achrediad mewn Paent - Uwch Dechnegydd Lefel 3

Yn gryno

Mae Sefydliad y Diwydiant Moduron (IMI) yn cydnabod cymhwysedd presennol gweithwyr proffesiynol sy'n gweithio yn y diwydiant manwerthu moduron a'u hymrwymiad i god ymddygiad moesegol. Er mwyn ennill achrediad IMI, mae'n ofynnol i chi basio cyfres o fodiwlau gwybodaeth a sgiliau ymarferol (sy'n rhan o'r cwrs hwn) ar Gampws Dinas Casnewydd (Canolfan gymeradwy ar gyfer cyrsiau IMI).

Mae'r cwrs hwn ar gyfer...

...unrhyw un sy'n dymuno bod yn rhan o IMI

...peirianwyr sy'n dymuno cael cydnabyddiaeth gan gorff dyfarnu 

Cynnwys y cwrs

Byddwch yn astudio'r modiwlau canlynol:

• Polisio Paneli (Presennol) AOM 014

• Adnabod Lliw ac Amrywiad Lliw AOM 015

• Paratoi Arwyneb AOM 016

• Arwyneb Parod - Fflatio AOM 017

• Selio Paneli AOM 018

• Paratoi'r Panel (Panel Newydd) AOM 019

• Paent Preimio Gwlyb ar Wlyb (taenu) AOM 020

• Paent Lliw Perl Tri Cham (taenu) AOM 021

• Diffygion Paent a Gweithdrefn Gywiro AOM 023

Unwaith y byddwch wedi pasio'r holl Fodiwlau Canlyniad wedi ei Asesu (AOM) o fewn llwybr penodol byddwch yn cael Cerdyn Adnabod IMI (cerdyn adnabod llun) sy'n ddilys am gyfnod o dair blynedd.

Byddwch hefyd yn cael eich cydnabod drwy gofrestr gyhoeddus ATA sy'n caniatáu i ddefnyddwyr edrych ar dechnegwyr sy'n gymwys ar hyn o bryd.

Asesu

Bydd hyn fel rheol yn asesiad dau ddiwrnod, a fydd hefyd yn cynnwys arholiad amlddewis ar-lein.

Ymhlith y buddion i unigolion a chyflogwyr mae'r canlynol:

• Mae IMI yn rhoi sicrwydd bod sgiliau a gwybodaeth yr unigolyn achrededig wedi cael eu hasesu yn erbyn y safon a gytunir gan y diwydiant
• Adolygir safonau IMI yn rheolaidd i alinio â thechnoleg, methodoleg a deddfwriaeth gyfredol
• Mae unigolion wedi eu hachredu gan yr IMI yn cytuno i'r cod ymddygiad - ac wrth wneud hynny, maent yn ymrwymo i weithio'n foesegol yn ein diwydiant
• Mae IMI yn darparu 'meincnod ar gyfer sgiliau' y gellir ei ddefnyddio at ddibenion hyfforddi a recriwtio. Mae'n llwybr datblygu cydnabyddedig i unigolion a chyflogwyr fel ei gilydd.
• Mae IMI yn darparu asesiad teg ond trwyadl. Sicrheir ansawdd a chysondeb y broses asesu drwy ddefnyddio sefydliad dyfarnu a gydnabyddir yn genedlaethol

Gofynion Mynediad

Dylech fod yn gweithio yn sector atgyweirio damweiniau'r diwydiant a meddu ar o leiaf tair blynedd o brofiad i sicrhau eich bod yn gyfarwydd â'r sgiliau, y wybodaeth a'r technegau sydd eu hangen i sicrhau gorffeniad perffaith wrth baratoi a gorffen paneli (hen a newydd) i gyd-fynd â phaent presennol y cerbyd.

Gwybodaeth Ychwanegol

Sefydliad y Diwydiant Moduron (IMI) yw'r gymdeithas broffesiynol a'r Cyngor Sgiliau Sector ar gyfer y Diwydiant Manwerthu Moduron. Rhaid i chi gytuno i God Ymddygiad IMI, a chydymffurfio ag ef.

I gynnal eich achrediad a phrofi cymhwysedd presennol, rhaid i chi gael eich ail-asesu bob tair blynedd.