RSL Diploma Atodol i Ymarferwyr Cerddoriaeth Lefel 3

Yn gryno

Bydd yr Ysgol Roc Lefel 3, ar y cyd â chyfleusterau rhagorol ym Mharth Dysgu Blaenau Gwent, yn cynnig profiad dysgu rhagorol i chi lle gallwch gael y wybodaeth a’r sgiliau penodol sydd eu hangen i gwrdd â gofynion y diwydiant cyffrous yma.  

Dyma'r cwrs i chi os...

... Ydych eisiau gyrfa yn y diwydiant cerddoriaeth
... Ydych eisiau’r wybodaeth a’r sgiliau ymarferol ar gyfer y diwydiant
... Yw eich bryd ar ddilyn cwrs cysylltiedig mewn prifysgol

Beth fyddaf yn ei wneud?

Mae’r hyblygrwydd a’r ystod o unedau yn cwmpasu amrywiaeth eang o ddisgyblaethau perthnasol. Byddwch yn gallu cael cydnabyddiaeth o’ch cyraeddiadau trwy sgiliau cerddorol ymarferol ar y cyd â’ch astudiaeth seiliedig-ar-theori.

Blwyddyn 1

Diploma Atodol Lefel 3 RSL ar gyfer Ymarferwyr Cerdd

• Perfformiadau cerddorol byw
• Sgiliau ymarfer cerddoriaeth
• Y cerddor sesiwn
• Dilyniant a chynhyrchu cerddoriaeth
• Rheoli digwyddiadau cerddorol
• Iechyd a diogelwch mewn digwyddiadau cerddorol
• Cyfansoddi

Blwyddyn 2

Diploma Estynedig Lefel 3 RSL ar gyfer Ymarferwyr Cerdd

• Recordio sain mewn stiwdio
• Peirianneg sain byw
• Cynllunio ar gyfer gyrfa mewn cerddoriaeth
• Traethawd cerdd estynedig
• Perfformio cerddoriaeth wedi’i recordio
• Hyrwyddo cerddoriaeth
• Datblygiad technoleg recordio cerddoriaeth

Er mwyn datblygu eich sgiliau ymarferol, bydd gennych fynediad i stiwdio gyda chyfarpar digidol o’r radd flaenaf. Fe’ch anogir i gymryd rhan mewn digwyddiadau cerddorol niferus trwy gydol y DU.

Byddwch yn cael eich asesu trwy arholiadau, portffolio, gwaith cwrs ac asesiadau ymarferol a byddwch yn cyflawni:

• Diploma Atodol Lefel 3 RSL ar gyfer Ymarferwyr Cerdd (Blwyddyn 1)
• Diploma Estynedig Lefel 3 RSL ar gyfer Ymarferwyr Cerdd (Blwyddyn 2)

• Bagloriaeth Cymru
• Gweithgareddau Sgiliau
• Mathemateg a Saesneg
• Cymwysterau perthnasol eraill i hybu eich set sgiliau

Beth a ddisgwylir ohonof i?

Bydd angen o leiaf 5 TGAU Gradd C neu uwch arnoch, yn cynnwys naill ai Mathemateg/Llythrennedd mewn Mathemateg neu Saesneg/Cymraeg Iaith gyntaf, neu gymhwyster Diploma Lefel 2 gyda Gradd Teilyngdod. 

Bydd angen i chi fod â diddordeb brwd mewn cerddoriaeth a’r brwdfrydedd a’r penderfyniad i ddatblygu eich sgiliau ymarferol. Mae ymroddiad llwyr i bresenoldeb yn ofynnol, ynghyd â pharch at eraill, brwdfrydedd dros y pwnc a hunanysgogiad. Dylech hefyd feddu ar y brwdfrydedd a’r agwedd bositif y bydd darpar gyflogwyr yn chwilio amdanynt.

Disgwylir i chi barhau â’ch astudiaethau a’ch gwaith cwrs yn eich amser eich hun. Disgwylir i chi hefyd fynychu gymaint o ddigwyddiadau â phosibl a rhwydweithio gyda chymaint o bobl ag y gallwch. 

Beth sy'n digwydd nesaf?

Gallech symud ymlaen i gwrs yn ymwneud â cherddoriaeth mewn prifysgol neu ddod o hyd i waith mewn meysydd megis sain byw, goleuo, AMP neu Dechnegydd Drymiau neu berfformio ar lefel led-broffesiynol.

Gwybodaeth Ychwanegol

Bydd angen gitâr neu gitâr fas eu hunain ar gitaryddion. Bydd angen gwifren gitâr a ffyn drymio ar bob myfyriwr.