BTEC Diploma Sylfaen Cenedlaethol mewn Chwaraeon Lefel 3

Yn gryno

Mae'r cwrs hwn yn canolbwyntio ar elfen ymarferol. Bydd y cwrs hwn yn eich helpu chi i ddatblygu eich gwybodaeth er mwyn dilyn gyrfa yn y maes hwn.

Dyma'r cwrs i chi os...

...mae gennych ddiddordeb amlwg mewn chwaraeon ac iechyd corfforol

...rydych eisiau cwrs ymarferol

...rydych eisiau datblygu gwybodaeth er mwyn dilyn gyrfa yn y maes hwn

Beth fyddaf yn ei wneud?

Byddwch yn astudio modiwlau megis:

• Anatomi a Ffisioleg mewn Chwaraeon
• Hyfforddi Ffitrwydd a Rhaglennu ar gyfer Iechyd, Chwaraeon a Llesiant
• Datblygiad Proffesiynol yn y Diwydiant Chwaraeon
• Arweinyddiaeth Chwaraeon
• Trefnu Digwyddiadau Chwaraeon
• Cynnal Profion Ffitrwydd
• Perfformiad Chwaraeon Ymarferol
• Hyfforddi ar gyfer Perfformiad
• Dulliau ymchwil mewn Chwaraeon
• Datblygu a Darparu Chwaraeon a Gweithgaredd Corfforol
• Archwilio Busnes yn y Diwydiant Chwaraeon a Hamdden Actif
• Caffael Sgiliau mewn Chwaraeon
• Profiad Gwaith mewn Hamdden Actif
• Rheoli Anafiadau Chwaraeon
• Seicoleg Chwaraeon
• Rheolau, Rheoliadau a Gweinyddu mewn Chwaraeon
• Sgiliau Technegol a Thactegol mewn Chwaraeon
• Dadansoddiad Perfformiad Chwaraeon
• Egwyddorion ac Ymarferion ar gyfer Gweithgareddau Mentrus Awyr Agored
• Cynaliadwyedd Amgylcheddol ar gyfer Gweithgareddau Mentrus Awyr Agored
• Ymarfer Corff ar gyfer Grwpiau Penodol
• Ymarfer Corff, Iechyd a Ffordd o Fyw
• Materion Cyfredol mewn Chwaraeon
• Rheoli Hamdden
• Gweithrediadau Canolfan Hamdden

Byddwch yn cael y cyfle i astudio Tystysgrif mewn Arweinyddiaeth Chwaraeon a Thystysgrif mewn Hyfforddi Ffitrwydd.

Cewch eich asesu drwy amrywiaeth o aseiniadau ysgrifenedig ac ymarferol, tasgau a reolir, arholiad allanol, cyflwyniadau, portffolio o waith a goruchwyliaeth. Wedi i chi ei gwblhau, byddwch yn cyflawni:

• Diploma Sylfaen Cenedlaethol Lefel 3 mewn Chwaraeon
• Cymwysterau ategol priodol er mwyn ehangu eich set sgiliau a bodloni anghenion y diwydiant
• Gweithgareddau Sgiliau
• Mathemateg a Saesneg (os nad oes gennych Radd C neu uwch ar lefel TGAU)
• Tystysgrif SLQ mewn Arweinyddiaeth Chwaraeon
• Tystysgrif Lefel 2 YMCA mewn Hyfforddi Ffitrwydd

Beth a ddisgwylir ohonof i?

I gofrestru, mae angen i chi fod ag o leiaf 5 TGAU Gradd C neu uwch, gan gynnwys un ai Mathemateg/Rhifedd neu Gymraeg Iaith Gyntaf/Saesneg, neu gymhwyster Diploma Lefel 2 priodol ar Radd Teilyngdod gyda TGAU Gradd C neu uwch mewn un ai Mathemateg/Rhifedd neu Gymraeg Iaith Gyntaf/Saesneg.

Mae cyfranogiad ymarferol yn hanfodol wrth gwblhau'r cwrs hwn. Mae ymrwymiad llawn i bresenoldeb yn angenrheidiol, yn ogystal â pharch tuag at eraill, brwdfrydedd tuag at y pwnc â'r gallu i gymell eich hun.

Beth sy'n digwydd nesaf?

Bydd cwblhau’r Diploma Sylfaen Blwyddyn 1 yn llwyddiannus yn eich caniatáu i fynd ymlaen i'r ail flwyddyn a chwblhau'r Diploma Estynedig llawn.

Oddi yno, mae’r llwybrau dilyniant yn cynnwys cyrsiau ar lefel Prifysgol a chyflogaeth yn y diwydiant chwaraeon a hamdden e.e. hyfforddi cymunedol, y diwydiant ffitrwydd a datblygu chwaraeon.

Gwybodaeth Ychwanegol

Mae costau ychwanegol yn cynnwys hyd at £82.50 ar gyfer cit, £50.00 ar gyfer tripiau/Cofrestru gyda DofE/ffioedd Gwersylla DofE.

Bydd dysgwyr hefyd yn cael cyfle i ymgymryd ag ystod o deithiau a digwyddiadau addysgol e.e. Prifysgol Metropolitan Caerdydd - dosbarthiadau cryfder a chyflyru, Prifysgol De Cymru - profi ffitrwydd ac iechyd. Mae gan Barth Dysgu Blaenau Gwent amrywiaeth o dimau sy’n chwarae mewn ystod o gynghreiriau gan gynnwys rygbi, pêl-droed, pêl-rwyd a phêl-fasged.

Ar gyfer chwaraewyr Academi Rygbi Menywod y Dreigiau, mae eich amserlen wedi'i threfnu o amgylch Academi'r Dreigiau, ac rydych yn cael eich cludo o safle i safle er mwyn cymryd rhan yn y ddarpariaeth. Efallai y byddwch angen trefnu eich cludiant eich hun adref o Gampws Crosskeys ar gyfer rhai o'r gemau.

Mae gan bob dysgwr gyfle i wneud cais am gyllid Erasmus ac ymweld â gwlad Ewropeaidd fel rhan o'u hastudiaethau.