YMCA Tystysgrif mewn Cryfder a Chyflyru Lefel 2

Yn gryno

Nod y cymhwyster hwn yw datblygu gwybodaeth a sgiliau dysgwyr er mwyn iddynt allu ymgysylltu, hwyluso, addysgu a chefnogi cleientiaid mewn amgylchedd cryfder a chyflyru.

Dyma'r cwrs i chi os...

rydych chi’n dymuno perfformio’n gymwys fel Hyfforddwr Cryfder a Chyflyru Lefel 2 naill ai mewn Clwb Chwaraeon neu amgylchedd Campfa.

Beth fyddaf yn ei wneud?

Nod y cymhwyster hwn yw datblygu gwybodaeth a sgiliau dysgwyr er mwyn iddynt allu ymgysylltu, hwyluso, addysgu a chefnogi cleientiaid mewn amgylchedd cryfder a chyflyru. Ar ôl cwblhau’r cymhwyster hwn yn llwyddiannus, bydd dysgwyr yn gallu chwilio am waith a pherfformio’n gymwys fel Hyfforddwr Cryfder a Chyflyru Lefel 2.

Trosolwg o wybodaeth, sgiliau a dealltwriaeth

• Egwyddorion gweithio yn yr amgylchedd cryfder a chyflyru. Mae hyn yn cynnwys gwasanaeth i gwsmeriaid a sut i gynnal iechyd, diogelwch a lles.
• Sut i gynnal ymgynghoriadau a hyrwyddo manteision iechyd gweithgarwch corfforol a chryfder a chyflyru.
• Sut i gyfathrebu â chleientiaid yn effeithiol a chymell cleientiaid i lynu wrth raglen ymarfer cryfder a chyflyru.
• Y sgiliau a’r wybodaeth sydd eu hangen i gynllunio a pharatoi rhaglen ymarfer corff sy’n seiliedig ar gryfder a chyflyru gydag oedolion sy’n ymddangos yn iach (unigolion a grwpiau). Gall hyn gynnwys oedolion hŷn (50 a hŷn) a phobl ifanc yn yr ystod oedran 11-18, ar yr amod eu bod yn rhan o grŵp oedolion mwy.

Beth a ddisgwylir ohonof i?

Yn ddelfrydol, dylai fod gennych rywfaint o brofiad o ymarferion cryfder a chyflyru o safbwynt chwaraeon penodol neu drwy ymarfer personol a dylech fod â rhywfaint o ffitrwydd corfforol.

Beth sy'n digwydd nesaf?

Gall y cymhwyster hwn arwain at gyflogaeth fel Hyfforddwr Cryfder a Chyflyru mewn cyfleuster ffitrwydd/chwaraeon neu gyfleuster perthnasol arall.

Gall y cymhwyster hefyd arwain at hyfforddiant pellach ar yr un lefelau ac ar lefelau uwch, er enghraifft:

• Dyfarniad YMCA Lefel 3 mewn Rhaglennu a Goruchwylio Ymarfer gyda Chleientiaid Anabl
• Diploma YMCA Lefel 3 mewn Cyfarwyddo Ffitrwydd Hyfforddiant Personol a Chylchedau
• Tystysgrif YMCA Lefel 4 mewn Cryfder a Chyflyru

Gwybodaeth Ychwanegol

Bydd yn cael ei gynnal dros 14 wythnos gyda chymysgedd o ddysgu wyneb yn wyneb ac o bell.

Cynhelir gweithdai wyneb yn wyneb ar ddydd Sadwrn gyda dysgu o bell ar gael ar adeg sy'n gyfleus i chi.

Bydd dysgwyr yn cael cyfle i ddangos tystiolaeth o waith yn eu hamgylchedd chwaraeon eu hunain i gefnogi cyflawni’r cymhwyster hwn.