VTCT Gwobr mewn Amlder Radio am Estheteg Lefel 4

Yn gryno

Mae'r Dyfarniad VTCT (ITEC) Lefel 4 mewn Amledd Radio yn gymhwyster therapi uwch a anelir at ymarferwyr cymwys ar lefel 3 sydd yn 18 oed neu'n hŷn gyda'r nod o ychwanegu'r therapi hwn at eu repertoire o driniaethau i'w cynnig. Prif bwrpas y cymhwyster yw paratoi dysgwyr ar gyfer cyflogaeth yn y diwydiant esthetig uwch drwy gynnig technegau amledd radio.

Mae'r cwrs hwn ar gyfer...

• y rheini sydd am gyflwyno triniaethau anfeddygol i'w busnes
• y rheini sydd yn meddu ar gymhwyster Therapi Harddwch Lefel 3 neu'r Dystysgrif Lefel 3 mewn Mynediad at Therapïau Esthetig
• y rheini sydd yn 18 mlwydd oed neu'n hŷn.

Cynnwys y cwrs

Amledd Radio yw un o'r technolegau anfewnwthiol gwrth-heneiddio mwyaf diogel yn y diwydiant. Technoleg brofedig sydd wedi bodoli am lawer o flynyddoedd yw Amledd Radio, ac mae'n addas ar gyfer pob math groen a chyflwr corfforol. Mae amledd radio yn teimlo'n debyg i dyliniad cynnes yn ystod triniaeth ac mae'n gweithio i annog cynhyrchu colagen a lleihau llacrwydd drwy dynhau eich croen, sydd yn lleihau braster ac yn gwella ffyrfder.

Mae'r cwrs yn cynnwys:

• Mesurau Iechyd a Diogelwch i'w hystyried
• Cynllunio Triniaethau ar gyfer yr wyneb a'r corff
• Gwybodaeth ynghylch offer
  • Cymhwyso triniaeth mewn modd ymarferol
  • Cyngor cyn ac ar ôl triniaeth
  • Anatomeg, ffisioleg a phatholeg

  Cynhelir asesiadau drwy arholiadau ymarferol a theori ac astudiaethau achos clinigol a byddwch yn ennill dyfarniad VTCT Lefel 4 mewn Amledd Radio.

  Ar ôl cwblhau'r cwrs hwn byddwch yn symud ymlaen i gyrsiau Lefel 4 a 5 eraill megis:

  • Dyfarniad Lefel 4 mewn Plicio Croen
  • Dyfarniad Lefel 5 mewn Micro-lafnu Amledd Radio
  • Dyfarniad Lefel 4 mewn Micro-lafnu Aeliau
  • Dyfarniad Lefel 4 mewn Dermaplanio (Dermaplaning)
  • Dyfarniad Lefel 4 mewn Nodwyddo Croen

Gofynion Mynediad

Bydd rhaid i chi feddu ar gymhwyster Lefel 3 mewn Therapi Harddwch neu Dystysgrif Lefel 3 mewn Mynediad i Estheteg a bod yn 18 mlwydd oed neu'n hŷn.

Gwybodaeth Ychwanegol

Bydd gofyn i chi wisgo gwisg glinig ac esgidiau addas.

Mae cost y cwrs yn cynnwys ffioedd dysgu a chofrestru. Mae ffioedd dysgu yn ddyledus ar adeg cofrestriad/ymrestriad. Os bydd angen, gellir gwneud hyn trwy ddebyd uniongyrchol dros bum rhandal. Os yw eich cyflogwr yn ariannu eich cwrs, bydd cadarnhad o hyn yn ofynnol er mwyn i'r coleg allu trefnu i'w anfonebu.