YMCA Dyfarniad mewn Cymorth Cyntaf yn y Gwaith Lefel 3

Yn gryno

Nod y cymhwyster hwn yw cydnabod y sgiliau, y wybodaeth a’r cymwyseddau sydd eu hangen ar unigolyn i roi cymorth cyntaf brys yn y gweithle. Mae hyn yn cynnwys gallu asesu, diagnosio a thrin pobl sydd wedi cael eu hanafu cyn i staff sydd wedi cael hyfforddiant meddygol gyrraedd.

Dyma'r cwrs i chi os...

Rydych chi eisiau bod yn Swyddog Cymorth Cyntaf cymwysedig yn y gweithle. Mae’r cwrs hwn yn cynnwys cymorth cyntaf brys yn y gweithle ac Adnabod a rheoli salwch ac anafiadau yn y gweithle.

Beth fyddaf yn ei wneud?

Mae’r cwrs yn cynnwys cymysgedd o daflenni gwaith a sgiliau ymarferol.

Dros 3 diwrnod, mae'r cwrs hwn yn ymdrin ag ystod eang o bynciau gan gynnwys:

• Rolau a chyfrifoldebau’r Swyddog Cymorth Cyntaf
• Asesu digwyddiad
• Adnabod arwyddion a symptomau anaf a salwch
• Helpu claf sy’n dioddef o anaf a salwch difrifol
• Adfywio oedolion - CPR a defnyddio AED diffibriliwr
• Anafiadau i’r Asgwrn Cefn
• Anafiadau / ymosodiadau cemegol
• Adwaith alergaidd gan gynnwys anaffylacsis
• Ysigiadau, straen a dadleoliadau
• Asthma
• Llosgiadau a sgaldiadau
• Trawiad ar y galon ac angina
• Anafiadau i’r pen
• Mân waedu a gwaedu difrifol

Byddwch yn cael asesiad ymarferol o gymhwysedd, a bydd angen darparu ymatebion byr i gyfres ragnodedig o gwestiynau. Ar ôl ei gwblhau’n llwyddiannus, byddwch yn cael Tystysgrif Cymorth Cyntaf yn y Gwaith. Bydd y cymhwyster yn ddilys am 3 blynedd.

Beth a ddisgwylir ohonof i?

Mae angen presenoldeb llawn am 3 diwrnod y cwrs.

Beth sy'n digwydd nesaf?

Mae’r Tystysgrifau Cymorth Cyntaf yn y Gwaith yn ddilys am 3 blynedd.

Gwybodaeth Ychwanegol

Mae’r cwrs hwn ar gael fel cymhwyster dydd ac fel cymhwyster gyda’r nos.